နေ့ ကိုလစား၊လကိုနှစ်စား၊နွေမိုးဆောင်းအလီလီပြောင်းခဲ့ပြီးကိုယ်ကိုတိုင်ပင်အသက်(၃၀)ကျော်လူလတ်ပိုင်းသို့ ရောက်ရှိခဲ့လေပြီ။စိတ်ထဲတွင်ဖြစ်ပျက်ခဲ့သောအကြောင်းအရာများကားမနေ့တနေ့ကဖြစ်ပျက်သကဲ့သို့ပင်စိတ်ထဲတွင်ဟိုတစ်ကွက်၊သည်တစ်ကွက်ထင်ကျန်နေဆဲ။
ကလေးလေးဘ၀စကျောင်းတက်ရသောနေ့ များသို့ အတွေးစများကလွင့်မျောသွားပြန်သည်။
ထိုစဉ်ကတည်းကယနေ့အထိတစ်စုံတစ်ယောက်သောပုံရိပ်ကစိတ်ထဲအသည်းထဲတွင်အမြဲထင်မှတ်လျှက်ရှိသည်။
ထိုစဉ်ကအသက်၃၀-ကျော်ခန့်ယခုအခါအသက်၆၀-ကျော်ခန့်ကျွန်တော့်တွေ့တိုင်းမျက်နှာတွင်ကျက်သရေအပေါင်းနှင့်ပြည့်စုံပြီးအပြုံးနှင့်အမြဲကြိုဆိုနေတတ်သည့်အမျိုးသမီးကြီးတစ်ဦး။
နေ့လည်မုန့်စားဆင်းချိန်ရောက်လျှင်တကူးတကလာပြီးသူ့သားအားမုန့်စားကျွေးတတ်သူ။ထိုသူကားကျွန်တော့်၏တုနှိုင်းမဲ့မေတ္တာကရုဏာရှင်မွေးသမိခင်ကျေးဇူးရှင်အမေပင်ဖြစ်ပေတော့သည်။
အဆိုတော်ဘိုဘို၏သီချင်းစာသားတချို့ နားထဲတွင်ပြန်ကြားယောင်မိသည်။ “ဆံတွေဖြူသွားကျိုးပစေ။ပါးရေနားရေတွေတွန့် လိပ်ပစေ။ အမေ့ရုပ်ရည်အမြဲလှနေတယ်”ဟူ၍။
မှန်ပါသည်။
သားသမီးများအဖို့ ကိုယ့်မိဘနှစ်ပါးသည် အမြဲပျိုမြစ်နှရွယ်နေသလို မိဘများအဖို့ လည်းကိုယ့်သားသမီးများမည်မျှပင်အသက်ကြီးနေစေကာမူမျက်စိထဲတွင်ကလေးလေးအနေနှင့်သာထာဝရယူဆကြသည်မှာဓမ္မတာဖြစ်ပါသည်။
မှန်ပါသည်။
သားသမီးများအဖို့ ကိုယ့်မိဘနှစ်ပါးသည် အမြဲပျိုမြစ်နှရွယ်နေသလို မိဘများအဖို့ လည်းကိုယ့်သားသမီးများမည်မျှပင်အသက်ကြီးနေစေကာမူမျက်စိထဲတွင်ကလေးလေးအနေနှင့်သာထာဝရယူဆကြသည်မှာဓမ္မတာဖြစ်ပါသည်။
ကျွန်တော်လူလားမြောက်လာသည်ကစပြီးနွေးထွေးသောအမေ့ရင်ခွင်၊မေတ္တာကရုဏာအပြည့်နှင့်ကျွေးမွေးပြုစုစောင့်ရှောက်ခြင်းခံရသည်မှာကျွန်တော်ဆယ်တန်းအောင်သည့်အထိဖြစ်သည်။ အဖေကအိမ်၏စားဝတ်နေရေးအတွက်အပြင်ထွက်ဝမ်းစာရှာဖွေသကဲ့သို့  အမေသည်လည်းအိမ်မှာနေ၍ ၀တ္တရားမပျက် အိမ်ထောင်ရှင်မကောင်းတစ်ယောက်၏တာဝန်ကိုကျေပွန်မြဲဖြစ်သည်။ ပြန်လည်တွေးတောကြည့်ပါကပစ္စည်းဥစ္စာပြည့်စုံသည့်မိသားစုတစ်စုမဟုတ်ခဲ့သော်လည်းအကြင်နာမေတ္တာအပြည့်ဖြင့်နွေးထွေးသောမိဘ၏ပြုစုစောင့်ရှောက်မှုအောက်တွင်ကြီးပြင်းခဲ့ရသည့်ကျွန်တော့်တို့ မောင်နှမများမှာအခြားသူများထက်စာလျှင်များစွာကံကောင်းပြည့်စုံလှပေသည်။ဤမိသားစုဖြစ်လာအောင်ဖန်ဆင်းပေးသောမြတ်စွာဘုရားသခင်ကိုလည်းကျေးဇူးအထူးတင်မိသည်။
အများစုသူငယ်ချင်းများ၏မိဘများမှာသားသမီး၇တန်း၊၈တန်းရောက်လျှင်ကျောင်းမလိုက်ပို့ ကြတော့သော်လည်းကျွန်တော့်၏အမေနှင့်အဒေါ်(အဖေ့ညီမကျွန်တော်တို့ နှင့်အတူနေသူအပျိုကြီး)မှာကားကျွန်တော်တို့ မောင်နှမ၈တန်းရောက်သည့်အထိမငြီးမညူကျောင်းလိုက်ပို့ မြဲဖြစ်သည်။အမေသည်ကားချက်ရေးပြုတ်ရေးတွင်လည်းသူမတူကောင်းလှသည်။
ကျွန်တော်တို့ မှာမြန်မာပြည်ဖွားတရုပ်လူမျိုးများဖြစ်သည့်အတွက်နှစ်စဉ်သူ့ အချိန်နှင့်သူ့ အခါရိုးရာဓလေ့အရဆိုင်ရာဆိုင်ရာများကိုရှိခိုးကြရမြဲဖြစ်သည်။ကျွန်တော်မှတ်မိသလောက်ပြောရလျှင်နှစ်စဉ်အဘိုးအဘွားသေဆုံးသည့်နှစ်ပတ်လည်တွင်ဟင်းချက်ကန်တော့ရခြင်း၊တရုပ်လ(၇)လခွဲ(တစ္ဆေကန်တော့ပွဲ)တွင်ဝက်သားကောက်ညှင်းထုပ်(ဘကျန်)နှင့်ကောက်ညှင်းအချိုထုပ်(ကီကျန်)လုပ်၍ကန်တော့ရခြင်း၊နှစ်ကူးတွင်အချိုမုန့် (အီကွေ့ )၊အငံမုန့် (အော်ကွေ့ ကျင်)လုပ်၍ကန်တော့ရခြင်း၊တရုပ်မုန့် လုံးရေပေါ်လုပ်၍ကန်တော့ပွဲအစရှိသည်များဖြစ်သည်။ရိုးရာပူဇော်ကန်တော့ရာတွင်တရုပ်ဟင်းဖွယ်များဖြစ်သောဝက်သားလုံးကြော်၊ပုဇွန်ကြော်၊ခေါက်ဆွဲကြော်၊ကြာဇံကြော်၊၀က်ခြေထောက်ဟင်း၊သီးစုံဟင်းချို၊ကော်ပြန့် ၊ကော်ရည်ခေါက်ဆွဲတို့ ကားအခြေခံမပါမဖြစ်ဟင်းများဖြစ်ကြသည်။အထက်တွင်ဖော်ပြသောဟင်းများမုန့် များကိုနှစ်စဉ်သက်ဆိုင်ရာပွဲရောက်တိုင်းကျွန်တော့်အမေကားနာမည်ကျော်စားဖိုမှူကြီးတစ်ယောက်သဖွယ်မမောတမ်းမပန်းတမ်း၊ချက်မြဲပြုတ်မြဲရှိခိုးမြဲဖြစ်သည်။ကျွန်တော်တို့ မောင်နှမများနှင့်အဒေါ်မှာကားအမေ့၏အကူများဖြစ်ကြသည်။အကူဟုဆိုသော်လည်းတကယ်လုပ်ရသည်မှာအမေနှင့်အဒေါ်သာဖြစ်ပြီး၊ကျွန်တော်တို့ သည်ကားအလုပ်နည်းနည်းအစားများများအားပေးကြသူများဖြစ်သည်။ဤသို့ ကြောင့်ကျွန်တော်တို့ သည်ကားငယ်စဉ်ကစအစားနှင့်ပတ်သက်လျှင်မဆင်းရဲအရသာပေါင်းစုံ၊ဟင်းပေါင်းစုံအလျှုံအပယ်နှင့်ကံကောင်းကြသူများဖြစ်သည်။ကျွန်တော်တို့ မောင်နှမသုံးယောက်ယခုအသက်(၃၀)ကျော်သည့်တိုင်ဘယ်သူအမေ့နားမှာရှိလျှင်အမေကထိုသူ့ ကိုဟင်းမျိုးစုံချက်ကျွေးမြဲဖြစ်သည်။ပင်ပန်းလှပါပြီအမေ။အမေ့ကျေးဇူးသည်ကားမွေးကျေးဇူးမပြောနှင့်၊ ကျွေးကျေးဇူးပင်လျှင်ဆပ်၍မကုန်နိုင်လှပေ။ အမေ၏ချက်ပြုတ်စွမ်းရည်ကားဤမျှနှင့်မကသေး။အထက်ပါဟင်းအများစုမှာလက်ရှည်တရုပ်လူမျိုး(ဖူကျင့်)အစားအစာများသာဖြစ်သည်။အမေကားဤမျှနှင့်မရောင့်ရဲသေး၊အခွင့်ရလျှင်ရသလိုအခြားလူမျိုးများ၏ဟင်းဖွယ်များကိုလည်းအချက်သင်သေး၏။ဖုကျိုးတရုပ်လူများများ၏ဟင်းပေါင်း၊ဂျုံအာလူး(အမြီးနှစ်ခွနှင့်)ဟင်းချို၊English Teacher(ခရစ်ယာန်လူမျိုး)ထံမှခရစ္စမတ်အချိုမုန့် လုပ်နည်းများလည်းသင်ထားသေး၏။မြန်မာပြည်ပေါက်တရုပ်လူမျိုးပီပီမြန်မာဟင်းဖွယ်များသည်လည်းအမေ့ကိုအနိုင်မယူနိုင်ပေ။မုန့် ဟင်းခါး၊အုန်းနို့ ခေါက်ဆွဲ၊ခေါက်ဆွဲသုတ်၊ငါးဖယ်ကြော်၊ကြာဇံဟင်းခါးစသောမြန်မာ့စားဖွယ်၊ဘယာကြော်၊အာလူးကက္ကတစ်ကြော်၊ကုလားပဲသုတ်၊ကုလားဟင်းစသောကုလားဟင်းဖွယ်များလည်းအမေ့၏လက်နှင့်မလွတ်ကင်းနိုင်ခဲ့ပေ။ ကျွန်တော်တို့ မောင်နှမသည်ကားအစားသာအမျိုးစုံစားတတ်ပြီး၊ဟင်းအချက်အပြုတ်တွင်တော့အမေ့၏ဆယ်ပုံတစ်ပုံပင်မမှီနိုင်ခဲ့။နှမြောဖွယ်ပင်။
အမေသည်ကားအစားအသောက်ဘက်တွင်သာပါရဂူမဟုတ်၊အခြားဘက်တွင်လည်းလစ်ဟင်းခဲ့သူမဟုတ်ပေ။အထည်အချုပ်အလုပ်တွင်လည်းကျွမ်းကျင်လှသည်။ပုဆိုး၊ထမီစသည့်အခြေခံအထည်ချုပ်များကအစကလေးအကျီ င်္၊အမျိုးသမီးဝတ်အကျီ င်္များအထိချုပ်တတ်သေး၏။အမျိုးသမီးအကျီ င်္များပုံစံရှိလျှင်အမေကားချုပ်တတ်မြဲဖြစ်သည်။ငယ်စဉ်ကအသိအကျွမ်း၊ဆွေမျိုးနှင့်အိမ်နီးနားချင်းများ၏အပ်ထည်များကိုလည်းဒိုင်ခံချုပ်ပေးမြဲဖြစ်သည်။အဖိုးလက်ခမှာအများထက်နည်းပါးစွာတောင်းခံတတ်သော်လည်းချုပ်လုပ်ရာတွင်စေ့စပ်လှသည်မို့ျုပ်ရသည်မှာလက်ခနှင့်တောင်မကာမိဟုကျွန်တော်တို့ မှာမကြာခဏခအမေ့အားစောဒကတက်တတ်မြဲဖြစ်သည်။အသက်အရွယ်ရလာသည့်အချိန်မှကျွန်တော်တို့ ဝိုင်းပြောသည်ကတစ်ကြောင်း၊မျက်စိအားသိပ်မကောင်းသည်ကတစ်ကြောင်းမို့ အပ်ထည်မလက်ခံတော့။အိမ်သားများအတွက်လိုအပ်သည်များကားဝါသနာအရချုပ်လုပ်မြဲဖြစ်သည်။အစကယောကျာင်္းလေးရှပ်အကျီ င်္သိပ်မချုပ်တတ်။တနေ့ တော့သူ့ သူငယ်ချင်းထံတွင်ရှပ်အကျီ င်္ကော်လံပုံစံသွားယူချုပ်နည်းသင်ယူပြီးနောက်ကျွန်တော့်ရှပ်အကျီ င်္များလည်းသူမချုပ်ပေးမြဲသာဖြစ်သည်။တစ်နှစ်လျှင်အနည်းဆုံးကျွန်တော်တို့ မောင်နှမအတွက်အကျီ င်္ဝတ်စုံတစ်စုံ(သို့ )နှစ်စုံအမေကိုယ်တိုင်ချုပ်ပေးမြဲဖြစ်သည်။
ကျွန်တော်တို့ မောင်နှမအလယ်တန်း၊အထက်တန်းရောက်လာသောအခါကျောင်းစရိတ်စတင်ကြီးမားလာသည်မို့ အိမ်၏စားဝတ်နေရေးသိပ်မလောက်မငဖြစ်စပြုလာသည်။ထိုစဉ်ကအမေကားသားသမီးများ၏ပညာရေးအဆက်မပြတ်ရန်အတွက်အိမ်ဝင်ငွေကိုတစ်ဖက်တစ်လမ်းကရှာဖွေရပြန်သည်။ သူတတ်ကျွမ်းသောတရုပ်စာဖြင့်အသိကလေးများ၊တရုပ်စာသင်ချင်သောအသိများအားစာသင်ပေးခြင်းဖြစ်အိမ်စရိတ်ဝန်ကိုတစ်ပိုင်တစ်နိုင်ထမ်းဆောင်ရပြန်သည်။သားသမီးများ၏ဘ၀ရှေ့ ရေးအတွက်ဟူသောရည်မှန်းချက်တစ်ခုဖြင့်အရာရာကိုမကြောက်မရွံ့ ယုံကြည်ချက်၊အားမာန်သတ္တိအပြည့်ဖြင့်အခက်အခဲမှန်သမျှကျော်လွန်ဖြတ်ကျော်ရဲသောအာဂလူသားအမေပင်ဖြစ်သည်။အမေအကြိမ်ကြိမ်ပြောဖူးသောစကားတစ်ခွန်းရှိသည်။ကျွန်တော့်တစ်သက်တွင်လည်းမေ့ပျောက်နိုင်မည်မဟုတ်သောစကားတစ်ခွန်းပင်။"အမေ့မှာမင်းတို့ ကိုအမွေပေးစရာအခြားမိဘတွေလိုပစ္စည်းဥစ္စာများများစားစားမရှိ။ပညာအမွေသာလျှင်အမေ့သားတို့ သမီးတို့ အားအမွေပေးခဲ့နိုင်သည်။ကြိုးကြိုးစားစားသင်ယူကြပါတော့။"ဟူ၍။ကျွန်တော့်အနေနှင့်ပြောလိုသည်မှာအမေပေးသောအမွေမှာကျွန်တော့်အတွက်တစ်သက်စာလုံလုံလောက်လောက်ရှိခဲ့ပါပြီ။အမေစိတ်ချနေပါတော့ဟူ၍။
အမေ့လိုလူမျိုးကမ္ဘာပေါ်တွင်ရှိကြဦးမည်ဖြစ်သော်လည်းကျွန်တော်တို့ အဖို့ ကားတုနှိုင်းမဲ့မာသာမိခင်တစ်ဦးလေပင်။အထက်တွင်ဖော်ပြသကဲ့သို့ အမေသည်ကားကျွန်တော်တို့ သားသမီးများအပေါ်စား၊၀တ်၊နေရေးအခြေခံသုံးရပ်စလုံး၌ရှေ့ မှမားမားမတ်မတ်ရပ်တည်စောင့်ရှောက်ပေးခဲ့သောသူတစ်ဦးဖြစ်သည်။မြတ်စွာဘုရားသည်နှစ်စဉ်တာဝတိံသာ၌မယ်တော်မိနတ်သားအားတရားဟောပြခြင်းဖြင့်မိခင်၏ကျေးဇူးနို့ တစ်လုံးဖိုးပင်မကျေဟုဆိုခဲ့လျှင်ကျွန်တော်တို့ မောင်နှမအဖို့ မိခင်၏ကျေးဇူးနို့ အပုံတစ်ရာတစ်ပုံပင်မကျေနိုင်သေး။အဘယ်တော့မျှလည်းကျေနိုင်စရာမရှိဟုမှတ်ယူနိုင်ပါသည်။
အမေသည်အခြားဘက်တွင်သည်းခံအလျှော့ပေးနိုင်သော်လည်းစည်းကမ်းနှင့်ပတ်သက်လာလျှင်တစ်ပြားသာမှမလျှော့မျက်နှာသာမပေးခဲ့။စည်းကမ်းနှင့်ပတ်သက်၍ပြောရလျှင်တော်ရုံတန်ရုံဆူပူကြိမ်မောင်းဆုံးမတတ်သည်ကအပရိုက်ခဲသည်။ငယ်စဉ်ကကျွန်တော်ဂျီကျ၍အဖေနည်းနည်းအရိုက်ကြမ်းသွားသည်ပင်အဖေနှင့်စကားများတတ်သောအမေပင်။သို့ သော်ကျွန်တော်တို့ နှုတ်မှဆဲရေးကြမ်းတမ်းသောစကားကြားရလျှင်တော့ကျွန်တော်တို့ ပါးနှင့်သူ့ လက်ဝါးလက်မလွတ်တတ်။ငွေရေးကြေးရေးနှင့်ပတ်သက်၍လည်းအမေပြောဖူးသည်။အဘိုးကသူ့ အားပြောဖူးသည်"ငွေရေးကြေးရေးနှင့်ပတ်သက်လာလျှင်စည်းကမ်းရှိရမည်။မောင်နှမပင်ဖြစ်နေစေကာမူရှင်းရှင်းလင်းလင်းစာရင်းဇယားနှင့်အတိအကျရှိရမည်"ဟူ၍။သူမကိုယ်တိုင်လည်းငွေရေးကြေးရေးစာရင်းဇယားနှင့်ပတ်သက်လျှင်အဖေကိုပင်လျှင်ရသုံးစာရင်းရှင်းရှင်းလင်းလင်းသင်ပြတတ်သူဖြစ်သည်။
အမေ့အကြောင်းပြောရလျှင်စာနှင့်ပင်ဖွဲ့ နွဲ့ ၍မကုန်နိုင်အောင်များပြားလှသည်။ အမေ့သားမို့ အမေ့အကြောင်းသာသာထိုးထိုးပြောတတ်သည်ဟုအများကဆိုလျှင်ကျွန်တော့်အဆိုအပိုမပါ၊အမှန်များသာဖြစ်ကြောင်းကျွန်တော်တို့ အိမ်သားများနှင့်အမေ့အားအကျွမ်းတ၀င်ရှိဖူးသူတိုင်းသိကြပေလိမ့်မည်။အဆုံးဆိုရသော်အမေကျွန်တော်တို့ အပေါ်တာဝန်ကျေရုံသည်မကတစ်ဖက်ကမ်းတောင်လွန်နေလေပြီ။အမေ့သားသမီးများဖြစ်သောကျွန်တော်တို့ မောင်နှမသည်ကားအမေမျှော်မှန်းထားသကဲ့သို့ ပညာတတ်၍ဆင်ခြင်တုံတရားနှင့်ပြည့်စုံသော၊ငွေရေးကြေးရေးတွင်စာရင်းဇယားနှင့်စည်းကမ်းရှိသော၊လိမ္မာယဉ်ကျေးသော၊အမေ့ကဲ့သို့ ကိုယ့်သားသမီးများအပေါ်တွင်တာဝန်ကျေပြွန်သောသူများဖြစ်ကြစေရန်ကိုယ်အားဥာဏ်အားရှိသရွေ့ ကြိုးစားကြရမည်မှာကျွန်တော်တို့ ၏ရာသက်ပန်တာဝန်ပင်ဖြစ်လေသည်။အမေသက်တော်ရာကျော်ရှည်ပြီးသားသမီးမြေးမြစ်များနှင့်ထာဝရစိတ်ချမ်းချမ်းသာသာ၊ကိုယ်ကျန်းကျန်းမာမာနေထိုင်နိုင်ပါစေဟုထာဝရဆန္ဒခြွေဆုတောင်းလျှက်။ ။
【ဤဆောင်းပါးဖြင့်ကျွန်တော့်အားကိုးလလွယ်ဆယ်လမွေး၍လူလားမြောက်ပြီးယနေ့ ယခုအခြေရောက်အောင်ပင်ပင်ပန်းပန်းကျွေးမွေးစောင့်ရှောက်ခဲ့သောမာတာမိခင်အနန္တကျေးဇူးတော်ရှင်အမေ့အားရှိခိုးကန်တော့လိုက်ပါသည်။အခြားအခြားသောသားသမီးမျာလည်း အမေ့နည်းတူအခြားမိခင်များ၏ကျေးဇူးများကိုလည်းစိတ်ထဲတွင်အမြဲတမ်းပြန်လည်အောက်မေ့သတိတရနေစေရန်ရည်ရွယ်ပါသည်။】
