ဆောက်လုပ်ရေး (အိမ်အခန်းဖွဲ့ ခြင်း)အကြောင်းတစ်စေ့တစ်စောင်း

အောက်တွင်ဖော်ပြထားသောအိမ်အခန်းကာခြင်းအဆင့်ဆင့်သည်စာရေးသူတတ်သလောက်မှတ်သ
လောက်ကိုယ်တွေ့ လုပ်ကိုင်ဖူးသောအတွေ့ အကြုံများမှနေ၍ဖော်ပြထားခြင်းဖြစ်၍
အမှားအယွင်းများရှိပါကသီးခံခွင့်လွှတ်ကြပါရန်ကြိုတင်မေတ္တာရပ်ခံအပ်ပါသည်။

ယခင်ကအဆောက်အအုံများဆောက်ရာတွင်အုတ်စီ၊ဘိလပ်မြေလောင်းခြင်းများပြုလုပ်ကြသော်လည်းခေတ်များအချိန်များအဆင့်ဆင့်
ပြောင်းလဲလာသောယခုအခါတွင်တိုက်ခန်းသစ်များ၊စက်ရုံရုံးခန်းများအခန်းကာရာတွင်အုတ်ခဲ၊ဘိလပ်မြေများအစားထုံးကျောက်ပြားများ၊
ကယ်လစီယမ်ဆီလီကိတ်ပြားများ၊ဘိလပ်မြေအပြားများဖြင့်အစားထိုးလာကြသည်။

ထိုသို့အသုံးပြုခြင်းသည်

ပတ်ဝန်းကျင်ထိန်းသိမ်းရာရောက်၍အချိန်သက်သာစေသည်ဟုလည်းဆိုကြသည်။

ကျွန်တော့်ကိုယ်ပိုင်အမြင်ကတော့ဘိလပ်မြေတကယ်လောင်းထားသောနံရံများကသာပိုမိုခံခန့်သည်ဟုယူဆသည်။

အခန်းကာခြင်းကိုအလွယ်ပြောရလျှင်တော့တိုင်ရိုးထောင်တစ်ဖက်တစ်ချက်စီကိုအပြားကပ်ပြီးအလယ်တွင်အသံကာသည့်မှန်သိုးမွေး(ပိုးလီမျှင်)များသိပ်ထည့်မူလီစုပ်ပြီးဆေးသုတ်ခြင်းဖြစ်သည်။

အခန်းဖွဲ့ ခြင်းသရုပ်ပြပုံ

အများအားဖြင့်သုံးကြသောအပြားအမျိုးအစားများကိုပြောရလျှင်ယေဘုယျအားဖြင့်အောက်ပါအတိုင်းခွဲခြားနိုင်သည်။

၁။ စေကောင်းပန် (石膏板၊Gypsum/Gesso)ဟုခေါ်သောထုံးကျောက်ပြား

သိပ်သည်းဆနည်း၊ပေါ့ပါးပြီးသာမန်ရုံးခန်း၊လူနေခန်းကာရာတွင်အသုံးပြုသည်။

၂။ ရှီးစွမ်းကိုက်ပန် (矽酸蓋板၊Calcium Silicate)ဟုခေါ်သောထုံးသဲစပ်ပြား

သိပ်သည်းဆများပြီးအတန်ငယ်လေးလံကာသာမန်အခန်းနှင့်စိုထိုင်းမှုများသောအခန်း(သန့်စင်ခန်း)ကာရာတွင်သုံးသည်။

၃။ ဆွေနီပန် (水泥板၊Cement)ဟုခေါ်သောဘိလပ်မြေပြား

သိပ်သည်းဆနှင့်လေးလံမှုအများဆုံးဖြစ်ပြီးစိုထိုင်းလွယ်သည့်ရေချိုးခန်း၊သန့်စင်ခန်းများတွင်အသုံးပြုသည်။

အပြားအထူကိုယေဘုယျအားဖြင့်၆မီလီ၊၉မီလီနှင့်၁၂မီလီဟူ၍သုံးမျိုးခွဲထားသည်။

မူလီစုပ်ရာတွင်အပြားအမျိုးအစားနှင့်အထူအပါးအလိုက်အသုံးပြုသောမူလီအမျိုးအစားလည်းမတူညီပေ။

ထုံးကျောက်ပြားအတွက်သုံးသောမူလီမှာထိပ်ချွန်ဖြစ်၍အတောင်နှစ်ခု(ဘေးထွက်နေသောသံစနှစ်ခု)မရှိပဲ၊ထုံးသဲစပ်ပြားနှင့်ဘိလပ်မြေပြားအတွက်သုံးသောမူလီမှာထိပ်တွင်အတောင်ပံပါသောမူလီဖြစ်သည်။

အပြားအမျိုးမျိုးနှင့်သုံးသောမူလီများမိတ်ဆက်ပြီးနောက်အခန်းကာပုံအဆင့်ဆင့်ကိုဆက်လက်ရှင်းပြပါမည်။

အပြား၏အလျား၊အနံအရွယ်အစားမှာလည်းအမျိုးမျိုးရှိပြီးအများသုံးဆိုဒ်မှာ၁၂၂မီလီ(လေးပေ)x၂၄၄မီလီ(ရှစ်ပေ)ဖြစ်သည်။

အခန်းကာရန်အတွက်ဦးစွာစည်းရိုက်ခြင်းနှင့်တိုင်ထောင်ခြင်းအဆင့်ကိုစလုပ်ရသည်။

ပထမဦးဆုံးမော့တို(墨斗)ကိုသုံး၍မြေပုံတွင်သတ်မှတ်ထားသောအတိုင်းအထွာအတိုင်းစည်းစရိုက်ရသည်။

     

       ခေတ်ဟောင်းမော့တို                                        ခေတ်သစ်မော့တို

ခေတ်ဟောင်းမော့တိုဖြစ်ဖြစ်၊ခေတ်သစ်မော့တိုဖြစ်ဖြစ်မော့တို၏သဘောတရားမှာမင်ထည့်ရန်နေရာနှင့်ကြိုးတစ်ချောင်းပါပြီးမှင်သုတ်
ထားသောကြိုးကိုလူနှစ်ယောက်တစ်ဖက်တစ်ချက်တင်းအောင်ဆွဲ၍ကြမ်းပြင်တွင်ခဲဖြင့်အမှတ်အသားနှစ်မှတ်ပေါ်တွင်ဆွဲရိုက်ခြင်းဖြင့်
စည်းတစ်ကြောင်းဖြစ်ပေါ်စေသည်။

ကြမ်းပြင်တွင်စည်းဆွဲပြီးပါကထိုစည်းကိုဗဟိုထား၍ချိန်သီး(သို့)လေဆာမျဉ်းကိုသုံးခြင်းဖြင့်ကြမ်းပြင်မျဉ်းနှင့်အညီ
မျက်နှာကျက်ပေါ်တွင်စည်းတစ်ကြောင်းထပ်ထင်စေသည်။

                      ချိန်သီး                                    လေဆာ

ကြမ်းပြင်နှင့်မျက်နှာကျက်တွင်စည်းတစ်ကြောင်းစီတားပြီးသည့်အခါအင်္ဂလိပ်အက္ခရာ“ယူ“ပုံစံမြောင်း

(上下槽)ကိုလိုသလိုအရှည်အတိုကိုတိုင်းတာ၍ဖြတ်စက်နှင့်ဖြတ်ပြီးစည်းနှင့်အညီညှိပြီး

ယမ်းသေနတ်နှင့်စို့သံကိုအသုံးပြု၍အသေရိုက်ထားရသည်။

         “ယူ“ပုံစံမြောင်း(စန့်ရှချောင်)                    ချောင်နှင့်သတ္တုချောင်းများဖြတ်စက်

               ဖြတ်စက်သုံးဖြတ်ပြား

မြောင်း(ချောင်)များမလှုပ်စေရန်အသေ“ရက်ပိ“ရိုက်ရာတွင်သုံးသောသံချောင်း၊ယမ်းသေနတ်နှင့်ယမ်းကျည်ဆံ

အောက်ပါပုံမှာအပေါ်အောက်မြောင်း(ချောင်)များရိုက်၍ပြီးစီးထားပုံဖြစ်သည်။

မြောင်းများရိုက်ပြီးပါကဒေါင်လိုက်တိုင်များ(ကူကျ骨架)များကိုလိုသလိုတိုင်းထွာဖြတ်တောက်၍ထောင်ရပြန်သည်။

ကူကျထောင်ရာတွင်သတိပြုရမည့်အချက်မှာကူကျတွင်ပါရှိသောကန့်လန့်ဖြတ်တန်း(ချနဲလူ၊加強橫柱)များထည့်ရာအပေါက်များလမ်းကြောင်းတည့်၍ညီနေစေရခြင်းဖြစ်သည်။

သို့မှသာတိုင်ထောင်ပြီးချနဲလူထည့်သည့်အခါအဆင်ပြေမည်ဖြစ်သည်။

ဒေါင်လိုက်တိုင်များစီထည့်ရာတွင်ဗရမ်းဗတာစီထည့်ခြင်းမျိုးမဟုတ်ပဲစည်းမျဉ်းအရတိုင်း၍ထည့်ရသည်။

သို့မှသာအပြားမူလီစုပ်သည့်အခါတွင်လွယ်ကူချောမွေ့ မည်ဖြစ်သည်။

အပြားတစ်ပြား၏အရွယ်အစားမှာသာမန်အားဖြင့်(၁၂၂မီလီx၂၄၄မီလီ)ရှိသောကြောင့်အလျားလိုက်ကပ်ကပ်၊ဒေါင်လိုက်ကပ်ကပ်အပြား နှစ်ချပ်ဆက်ရာတွင်ဒေါင်လိုက်စီထားသောတိုင်မိ၍မူလီစုပ်၍ရအောင်တိုင်းထွာရသည်။

ထို့ကြောင့်ဒေါင့်ဆုံးမှနေ၍ကူကျ(ဒေါင်လိုက်တိုင်)အလယ်အထိ၃၀.၅၊၆၁၊၉၁.၅၊၁၂၂၊၁၅၂.၅၊၁၈၃၊၂၁၃.၅၊၂၄၄မီလီစသည်ဖြင့်ခဲဖြင့်မှတ်၍အမှတ်တစ်နေရာတွင်ကူကျကိုအလယ်ကျအောင်စီထည့်ရသည်။

၁၂၂မီလီနှင့်၂၄၄မီလီတို့သည်အပြားနှစ်ပြားဆက်သည့်နေရာဖြစ်၍ထိုနေရကိုခိုင်ခံ့အောင်အထက်အောက်မြောင်းတွင်
မူလီအဖြူအတို(ပိုင်လော်ဆေး)ဖြင့်စုတ်ရသည်။

သို့မှသာအပြားဝက်အူစုပ်သည့်အခါမလှုပ်မည်ဖြစ်သည်။

အောက်ဖော်ပြပါပုံများသည်အသုံးပြုရန်လိုအပ်သည့်ပစ္စည်းကိရိယာများဖြစ်သည်။

             

             အဖြူရောင်မူလီတို                            သတ္တုပြားဖြတ်ကတ်ကြေး

 အောက်ဖော်ပြပါပုံမှာအပြားကပ်ရန်ဒေါင်လိုက်တိုင်(ကူကျ)များစီထည့်ပြီးစီးထားပုံဖြစ်သည်။

ကူကျများစီထည့်ပြီးသည့်အခါကပ်မည့်အပြားများကိုလိုသလိုဖြတ်တောက်ပြီးမူလီစုပ်ရသည်။

အပြားကပ်သည့်ပုံစံမှာမတူညီသည့်ဆောက်လုပ်ရေးဆိုဒ်များ၏အင်ဂျင်နီယာများလိုလားချက်များ
မတူညီကြချေ။

တစ်ချို့ ကအောက်မှအထက်တစ်ချပ်စီအညီကပ်ရပြီး၊တစ်ချို့ မှာအပေါ်အောက်အပြားဇီးဇက်ပုံကပ်ရပြီး၊
တစ်ချို့ မှာမူလှေကားထစ်ပုံစံအနိမ့်အမြင့်စီကပ်ရသည်။

ကပ်သည့်အပြားအထူအပြားလည်းကွဲပြားပြီး၊တစ်ချို့ အခန်းများတွင်အပြားကိုနှစ်ထပ်ကပ်ရသည်။

ပထမတစ်ထပ်ကိုဒေါင်လိုက်ကပ်လျှင်၊နောက်တစ်ထပ်ကိုအလျားလိုက်လမ်းကြောင်းပြောင်းထည့်ရသည်။

အပြားဖြတ်ကပ်ရာတွင်အောက်ပါပစ္စည်းကိရိယာများလိုအပ်သည်။

              ပေကြိုး                                        ခဲတံ

                   ဒါး                                             လွှ
                             မူလီစုပ်စက်                                        တူ                                      

       ခါးလွယ်ပစ္စည်းအိတ်                             သစ်သားလှေကား

အောက်ပါပစ္စည်းများမှာမိမိကိုယ်ခန္ဓာထိခိုက်အနာတရမဖြစ်စေရန်ကာကွယ်သောပစ္စည်းများဖြစ်ပြီးတစ်ချို့ မှာစည်းကမ်းတကျတပ်ဆင်အသုံးပြုကြသော်လည်းတစ်ချို့ မှာအလုပ်လုပ်ရာတွင်ရှုပ်သည်ထင်၍အသုံးမပြုကြ။

ကျွန်တော့်အနေနှင့်တော့ဘေးကင်းခြင်းသည်အရေးကြီး၍အများအားဖြင့်တပ်ဆင်အသုံးပြုသင့်သည်ဟုထင်သည်။

ကျွန်တော်အများအားဖြင့်မတပ်သည်မှာလက်အိတ်(ဖြတ်တောက်ရာတွင်လက်ဗလာလုပ်တာလောက်အားမရ၍)နှင့်မျက်စိကာမျက်မှန်(နဂိုမျက်မှန်တပ်ထားသောကြောင့်)ဖြစ်သည်။

ကျွန်တော်လက်အိတ်မတပ်မိခြင်း၏အကျိုးဆက်မှာတစ်ခါတွင်အပြားဖြတ်သည့်အခါကိုယ့်လက်ချောင်းထိပ်ပါဖြတ်မိခြင်းပင်။

               ဆောက်လုပ်ရေးသုံးဦးထုပ်                                နှာခေါင်းစွတ်

                       လက်အိတ်                                         မျက်စိကာမျက်မှန်

အပြားများဖြတ်ထည့်ရာတွင်ပေကြိုး၊ခဲတံ၊လွှနှင့်ဒါးမှာမရှိမဖြစ်လိုအပ်သောအရာများဖြစ်သည်။

တူ့မှာတစ်ခါတစ်ရံအပြားကပ်ရာတွင်မီးကြိုးခွက်ရှိသည့်အခါဖောက်ရာတွင်အသုံးဝင်ပြီးနှာခေါင်းစွတ်မှာဖုန်မရှူမိစေရန်နှင့်မျက်စိကာမျက်မှန်မှာသတ္တုပြားများကိုဖြတ်စက်နှင့်ဖြတ်ရာတွင်မီးပွားနှင့်သံမှုန်များမျက်စိမထိမိစေရန်ဖြစ်သည်။

အမြင့်တက်၍အပြားများကိုမူလီစုပ်ရာတွင်သစ်သားလှေကားသည်မရှိမဖြစ်လိုအပ်သည်။

လှေကားအောက်မဆင်းပဲလှေကားနှင့်လမ်းလျှောက်ခြင်းမှာအင်းလေးကန်တွင်လှေကိုခြေထောက်နှင့်လှော်သကဲ့သို့ပင်ဆောက်လုပ်ရေးလုပ်သူများ၏အတတ်ပညာတစ်ရပ်ဖြစ်သည်။

သို့မှသာလှေကားတက်ဆင်းအချိန်လည်းကုန်၊လူလည်းပန်းခြင်းကိုသက်သာစေနိုင်သည်။

တရုတ်အခေါ်အဝေါ်အရလှေကားရိုးရိုးကိုလိုထီး(樓梯或梯子)ဟုခေါ်သော်လည်းဆောက်လုပ်ရေးသုံးလှေကား၏အခေါ်အဝေါ်မှာမာရီ(馬椅)ဖြစ်ပြီးတရုတ်အခေါ်အဝေါ်မာရီ(螞蟻)ပုရွက်ဆိတ်နှင့်အသံဆင်သဖြင့်ဆောက်လုပ်ရေးစ၀င်လုပ်စဉ်မာရီယူလာခဲ့ဟုသူဌေးပြောသောအခါကြောင်တောင်တောင်ဇဝေဇ၀ါဖြစ်ဖူးသည်။

အခန်းကာအပြားကပ်သည့်အခါကူကျတိုင်၏တစ်ဖက်ကိုသာအရင်ကပ်ရသည်။တန်းမရန့်ဖုန်းပန်(單面封板)ဟုခေါ်သည်။

ပြီးလျှင်မီးခွက်ဖောက်သူမီးကြိုးဆွဲသူများကိုအလျှင်ပေးလုပ်စေသည်။

ကြိုးသမားများပြီးမှသာလျှင်ဒေါင်လိုက်တိုင်များ၏အပေါက်တွင်ကန့်လန့်ဖြတ်ချနဲလူချောင်းများထည့်၊ ပြီးလျှင်ပိုးလီမျှင်(玻璃棉)ဟုခေါ်သောမှန်မျှင်စများကိုအသံလုံစေရန်ထည့်ရသည်။

နောက်ဆုံးတွင်မှကျန်နေသောနောက်တစ်ဖက်နံရံကိုအပြားအုပ်ရသည်။

အပြားအုပ်မူလီစုပ်ရာတွင်အကွာအဝေးမှာအင်ဂျင်နီယာများတောင်းဆိုချက်အတိုင်းထိုးရသည်။
ပုံမှန်အားဖြင့်၁ပေ(၃၀မီလီ)တစ်လုံးထိုးရသည်။

တစ်ချို့ နံရံများမှာကြားတွင်အသံလုံအမျှင်မထည့်ပဲဘိလပ်မြေထည့်လောင်းသဖြင့်ဘိလပ်မြေဖိအားကြောင့်
အပြားများကွာမထွက်စေရန်အောက်ခြေဘက်တွင်(၅မီလီ)စီခွာပြီးမူလီတစ်လုံးစီထိုးရသည်။

အပြားကပ်သူများအကြောက်ဆုံးနှင့်စိတ်အညစ်ဆုံးမှာပိုးလီမျှင်ဖြတ်ထည့်ခြင်းဖြစ်သည်။

မှန်မှုန်များ၊သတ္တုမှုန်များနှင့်ပြုလုပ်ထားသောကြောင်းခြေလက်အရေပြားများနှင့်ထိမိလျှင်မခံမရပ်နိုင်လောက်အောင်ယားတတ်ပြီးအလာဂျိတ်ရှိသောသူများအနီပြင်များထသည့်အထိဒုက္ခပေးတတ်သည်။

အယားသက်သာစေနည်းမှာအလုပ်ဆင်းခါနီးပလတ်စတာတိတ်ဖြင့်အသားကိုကပ်ခွာကပ်ခွာလုပ်ပေးခြင်းဖြင့်ကပ်နေသောအမှုန်များကိုဖယ်ရှားပေးနိုင်သည်။

အိမ်ပြန်ရောက်လျှင်ရေနွေးပူပူထဲတဘက်(မျက်နှာသုတ်ပုဝါ)စိမ်၍ကိုယ်ကိုတိုက်ပေးခြင်းအားဖြင့်လည်းအယားပြေစေနိုင်သည်။

သို့မဟုတ်ပါကညကောင်းကောင်းအိပ်မရနိုင်သည်အထိဒုက္ခပေးတတ်သည်။

အပေါ်ပုံမှာနာမည်ကြီးပိုးလီမျှင်လိပ်ဖြစ်သည်။

        

အပြားတစ်ဖက်ကပ်ပြီးကန့်လန့်ဖြတ်ချနဲလူထည့်ထားပြီးပုံ  

ပိုးလီမျှင်ထည့်ပြီးအပြားနောက်တစ်ဖက်ကပ်ရန်အသင့်ဖြစ်နေပုံ

အပြားနှစ်ဖက်စလုံးကပ်ပြီးသည့်အခါတွေ့ ရသောအခန်းနံရံများ

တန်းလန်းထွက်နေသောဝါယာစများမှာမီးခလုတ်နှင့်ပလတ်များတပ်ဆင်ရန်အတွက်ဖြစ်သည်။

အပြားနှစ်ဖက်ဖုံးပြီးသည့်အခါအလယ်အပြားနှစ်ချပ်ဆက်ရာနေရာများနှင့်မူလီစုပ်ထားသောအပေါက်များကိုဆေးသုတ်သူများကပတ်တီးလိုက် (ဖီးထူခြင်း၊批土)ခြင်းလုပ်ငန်းကိုစတင်ရသည်။

ထို့နောက်ဆေးအကြမ်းတစ်ထပ်သုတ်ပြီးနောက်ထပ်အချောလိုက်ပြီးသောအခါသင်မြင်တွေ့ နေရသောလူနေအိမ်ခန်းများနှင့်ရုံးခန်းများ၏လှပသစ်လွင်သောနံရံများဖြစ်လာရသည်။

အပြားနှစ်ဖက်စလုံးကပ်ပြီး၍ပတ်တီးလိုက်ပြီးသည့်အခါတွေ့ ရစဉ် 


ပတ်တီးလိုက်ဆေးသုတ်အချောသတ်ပြီးသည့်အခါတွေ့ ရစဉ်

အထက်တွင်ဖော်ပြခဲ့သည်တို့ကားယခုခေတ်အတွင်းအဆောက်အအုံအခန်းများဖွဲ့ စည်းရာတွင်အသုံးပြုသောအပြားကပ်ပုံအဆင့်ဆင့်ပင် ဖြစ်သည်။

သာမန်လွယ်လွယ်ပြောပါကသံတိုင်ထောင်အပြားနှစ်ဖက်ကပ်အလယ်တွင်အသံကာမျှင်သို့မဟုတ်ဘိလပ်မြေလောင်းဟုဆိုသော်လည်းအသေးစိတ်စည်းစနစ်တကျလုပ်သည့်အခါထင်သလောက်မလွယ်ကူသည်ကိုတွေ့ ရပေမည်။

အဆင့်တစ်ဆင့်ဆင့်တွင်တစ်ချက်မှားလိုအပ်သွားပါကအစအဆုံးပြန်လုပ်ရလောက်သည့်အထိအောင်ဆိုးရွားသောအမှားအယွင်းများဖြစ်တတ်သည်ကိုသတိမူရပေမည်။

အချုပ်ဆိုရလျှင်အခန်းဖွဲ့ သည့်ပမာယူ၍လောကတွင်ဖြတ်သန်းရသောဘ၀ခရီးလမ်းတွင်လည်းဘယ်အရာမဆိုသေချာတွေး၊သေချာစဉ်း စားပြီးမှဆုံးဖြတ်ချက်တစ်ခု၊အလုပ်တစ်လုပ်ကိုစည်းစနစ်ရှိရှိလုပ်သင့်လှပေသည်။

သို့မှသာအမှားနည်းသောဘ၀လမ်းခရီးကိုအဆင်ပြေချောမွေ့ စွာလျှောက်လှမ်းဖြတ်ကျော်နိုင်ပေမည်။

သို့မဟုတ်ပါကအလွဲအမှားအတိမ်းအစောင်းများကြားဘ၀ကိုဖြတ်သန်းရသည်မှာရေသာများ၍ငါးမတွေ့ ဆိုသလိုအချိန်ကုန်သလောက်အကျိုးမရှိဖြစ်တတ်ပေလိမ့်မည်။

စာရေးသူသည်ထိုင်ဝမ်ဆောက်လုပ်ရေးအကြောင်းရေးသဖြင့်အတွင်းအသုံးအနှုန်းအများအားဖြင့်တရုတ်အသုံးအနှုန်းများဖြစ်သုံးနှုန်း ထားသည်၊

ဝက်ဆိုဒ်ပေါ်တွင်တွေ့ သောပုံများအသုံးပြု၍တတ်စွမ်းသမျှမြန်မာဘာသာပြန်၊အင်္ဂလိပ်စာလုံးဖြင့်ပုံဖော်၊ရှင်းလင်းထင်သာရှိစေရန်အတတ်နိုင်ဆုံးတင်ပြထားပါသည်။

မနားလည်သည့်နေရာများရှိပါကလည်းနားလည်သည်းခံဖတ်ရှုပေးပါရန်ပန်ကြားလိုပါသည်။  ။

အဝေးရောက်သား (၂၀၁၀၊၁၀၊၁၉ ညနေ ၆နာရီ၊၂၅မိနစ်။)



ဆန်းစစ်ခြင်း-၃၆

အချိန်သည်မျက်စိတစ်မှိတ်လျှပ်တစ်ပျက်အတွင်းမှာပင်ကုန်ဆုံးပျက်သုဉ်းလျက်ရှိသည်။လာမယ့်၁၀သုံးလုံး (၂၀၁၀၊၁၀၊၁၀)တွင်ဘ၀တွင်ရှင်သန်ကျက်စားလာသည်မှာ(၃၆)နှစ်လုံးလုံးရှိလေပြီ။၁၀သုံးလုံးထူးထူးခြားခြားတိုက်ဆိုင်သောကိုယ့်အဖို့ မထူးခြားသောမွေးနေ့ အတွက်ဘာလုပ်ရရင်ကောင်းမလဲတွေးရင်းယနေ့အထိလှမ်းခဲ့သောအတိတ်ခြေရာများကိုပြန်ဆန်းစစ်ချင်စိတ်ပေါက်လာပြီးဘာရယ်မှမဟုတ်ပဲဒီစာတစ်ပုဒ်ရေးမိသည်။




လူဆိုသည်ကလည်းအခက်သား။ငယ်စဉ်ကသူများအတ္ထုပ္ပတ္တိစာအုပ်ဆိုလျှင်ဖတ်ဖို့ပျင်းလွန်းလို့ယောင်လို့တောင်မေကိုင်မိသော်လည်းအသက်ကလေးရလာသည့်အခါကိုယ်ဘ၀ဇာတ်ကြောင်းကိုတော့သူများပြောပြချင်သည်။ဖြတ်သန်းလာသောဘ၀ခရီးကပြန်စဉ်းစားခံစားစရာအနုအလှကြည်နူးမှုများမရှိသော်လည်းလူဖြစ်လာပြီမို့လက်တွေ့ ကျသောလောကကိုရင်ဆိုင်ရမည်မှာဖြစ်သည်။



ငယ်စဉ်ဘ၀

ငယ်စဉ်ကမိသားစုမှာချောင်ချောင်လည်လည်မရှိခဲ့သော်လည်းမိဘများကကျွန်တော်တို့မောင်နှမ၏ပညာရေးကိုအထူးအလေးထားတတ်နိုင်သလောက်ပံ့ပိုးထောက်ပံ့ပေးခဲ့သည်။အဖေကလခစား၊အမေသည်ကားအားချိန်တွင်သူများအပ်ထည်ချုပ်၊နောက်ပိုင်းကလေးများကိုတရုပ်စာသင်ပေးခြင်းတို့ဖြင့်မိသားစုစားဝတ်နေရေးနှင့်သားသမီးပညာရေးကိုတတ်စွမ်းသမျှဖြည့်စွက်ပေးခဲ့သည်။ပြန်တွေးကြည့်လျှင်ကိုယ့်မိဘများအဘယ်သို့သောတွန်းအားစွမ်းအားများကြောင့်ထိုအချိန်ကလုပ်စွမ်းနိုင်ခဲ့သည်မသိ။ယခုကိုယ်မိဘလုပ်သည့်အချိန်တွင်သူတို့၏ဆယ်ပုံတစ်ပုံမျှပင်မမှီ့ တမှီလုပ်နေလျှင်ပင်ပန်းသည်ဟုထင်နေမိသောကိုယ့်ကိုကိုယ်တစ်ခါတစ်ရံမချင့်မရဲဖြစ်မိသည်။



ငယ်စဉ်ကကျွန်တော်တို့မောင်နှမတစ်စုတစ်ခုကောင်းသည်ကကိုယ့်အခြေအနေကိုယ်သိတတ်၍ပညာရေးတွင်မိဘကတစ်တွတ်တွတ်တိုက်တွန်းစရာမလိုပဲကိုယ့်အသိစိတ်နှင့်ကိုစာကိုကြိုးစားသင်ယူခြင်းပင်ဖြစ်သည်။မူလတန်းကျောင်းကိုကိုယ့်အိမ်ရှိရာမြို့ နယ်ဖြစ်သောအ.မ.က(၂)ပန်းဘဲတန်းတွင်တက်ခဲ့သည်။ထိုစဉ်ကမူလတန်းပြဆရာမများမှာစာအသင်အပြကောင်း၍ကျူရှင်ပင်တက်စရာမလိုပဲမူကြိုနှင့်သူငယ်တန်းမှလွဲ၍ကျန်အတန်းများကိုကျောင်းတက်ရုံဖြင့်စာလိုက်နိုင်လေသည်။ကျောင်းငယ်သည်ကတစ်ကြောင်း၊ကိုယ်ကြိုးစားသည်ကတစ်ပိုင်းမို့မူလတန်းကျောင်းတွင်နှစ်စဉ်အတန်းရှေ့ ပ၊ဒု၊တအမြဲချိတ်၍ဆုရစမြဲဖြစ်သည်။ထိုစဉ်ကသူငယ်တန်းမှလေးတန်းအထိမှတ်မိသမျှဆရာများကိုပြောပြရလျှင်ဒေါ်အေးမြင့်ကြည်၊ဒေါ်ခင်ခင်၊ဒေါ်ခင်မြ၊ဒေါ်တင်မြနှင့်ဒေါ်အေးအေးဝေတို့ပင်ဖြစ်သည်။ကျောင်းအုပ်ဆရာမကြီးမှာအမှတ်မမှားလျှင်ဒေါ်သန်းနွဲ့ ဖြစ်သည်။ထိုကျေးဇူးရှင်သင်ဆရာသမားများအားကျွန်တော်ဒီကပင်ရိုသေလေးစားစွာဖြင့်လက်အုပ်ချီရှိခိုးကန်တော့အပ်ပါသည်။



အဖေကထိုစဉ်ကဆုရလျှင်ရွှေဘုံသာလမ်း(မဂိုလမ်း)ခေါ်သွား၍အရုပ်တစ်ခုခုဝယ်ပေးမြဲဖြစ်သည်။အပတ်တိုင်းလိုလိုတနင်္ဂနွေနေ့ဆိုလျှင်ကျွန်တော်တို့မောင်နှမ(အထူးသဖြင့်ကျွန်တော့်)ကိုတစ်နေရာရာခေါ်သွားမြဲဖြစ်သည်။ထို့ကြောင့်ပင်ငယ်စဉ်ကတည်းကရွှေတိဂုံဘုရား၊တိရစ္ဆာန်ဥယျာဉ်၊ငါးပြတိုက်၊ကန်တော်ကြီးကရ၀ိတ်၊ဗိုလ်ချုပ်ပန်းခြံစသည့်နေရာများကိုရောက်ဖူးသည့်အခေါက်ရေပေါင်းမနည်းယဉ်ပါးခဲ့လေသည်။တရုတ်နှစ်ကူးဆိုလျှင်လည်းသားအဖနှစ်ယောက်နဂါး၊ခြင်္သေ့အကနှင့်သီချင်းဆိုသည့်ကားများနောက်တစ်ကောက်ကောက်လိုက်ကြည့်ခဲ့သည်များလည်းပြန်မှတ်မိနေသေးသည်။ထိုမျှမကတန်ဆောင်တိုင်ဆိုလျှင်မော်တင်၊သီတင်းကျွတ်ဆိုလျှင်ရေကျော်စသောရာသီပွဲတော်အလိုက်အဖေကျွန်တော့်အားခေါ်သွားလည်ခဲ့သည်မှာရင်ထဲအမြဲစွဲကျန်နေရစ်ခဲ့သည်။အဖေသည်ကားကျွန်တော်တို့အပေါ်အဖတာဝန်ကျွေပြွန်ခဲ့သောဖခင်ကောင်းတစ်ယောက်ပင်ဖြစ်သည်။အမေသည်လည်းကျွန်တော်တို့မောင်နှမတစ်သိုက်အဖို့အစားထိုးမရနိုင်သောမိခင်ကောင်းတစ်ယောက်ဖြစ်သည်။ယခင်ဆောင်းပါးတွင်အမေ့အကြောင်းတော်တော်ရေးဖူး၍အကျယ်တ၀န့်မဖော်ပြလိုတော့။



အလယ်တန်း၊အထက်တန်းကျောင်းသားဘ၀

မူလတန်းကိုအမက(၂)ပန်းဘဲတန်းတွင်ကျောခိုင်းခဲ့ပြီးနောက်အလယ်တန်းကျောင်းဖတ်ဖို့ မိဘများမှာသင့်တင့်လျှောက်ပတ်ရာကျောင်းရှာရပြန်သည်။အဖေကကျောင်းသားလူရည်သန့်ပြီးလေ၀င်လေထွက်ကောင်း၊ပတ်ဝန်းကျင်ကောင်းသောအ.ထ.က(၁)ဒဂုံကျောင်းကိုမျက်စိကျပြီးမရမကလိုက်လံစုံစမ်းပြီးကျောင်းအပ်ထားပေးခဲ့သည်။အကြောင်းအမျိုးမျိုးကြောင့်ပဉ္စမတန်းကိုအစမ်းစာမေးပွဲစစ်ခါနီးမှနောက်ကျတက်ခဲ့ရပြီးထိုစဉ်ဒဂုံ(၁)ထုံးစံအရနောက်ဆုံးအတန်း(J)တွင်ကျွန်တော့်အားတက်စေသည်။စာမေးပွဲဖြေပြီးနောက်အမှတ်စာရင်းထွက်ပြီးသည့်အခါအတန်းပိုင်ဆရာကမင်း(G)သို့(F)ကျောင်းသားအသစ်တန်းကိုပြောင်းပေးမယ်သွားမလားဟုပြောသော်လည်းအတန်းဖော်များနှင့်သံယောဇဉ်ဖြစ်နေပြီဖြစ်၍မပြောင်းပဲထိုအတန်းတွင်ပင်နေရန်ဆုံးဖြတ်ခဲ့သည်။



ထိုစဉ်ကဒဂုံ(၁)တွင်ကျောင်းသားစာလိုက်နိုင်မှုအရည်အချင်းကိုကြည့်၍(S),(A),(B),…,(J)စသည်ဖြင့်စီသွားရာအက္ခရာနောက်ရောက်လေလေ၊ပညာအရည်အချင်းကွာသွားလေလေဖြစ်သည်။ယခုအခါပြန်တွေးကြည့်ပါကထိုစနစ်သည်ထူးချွန်သောကျောင်းသားများကိုပိုမိုထူးချွန်စေသော်လည်း၊နောက်တန်းရောက်ကျောင်းသားများအဖို့ ကိုယ့်စိတ်ကိုမနိုင်ပါကပိုမိုစိတ်လေညံ့ဖျင်းသွားတတ်စေသည်။ကျွန်တော်သဘောဆိုရလျှင်အထူးအတန်း(S)ထားခြင်းရည်ရွယ်ချက်မှာကောင်းမွန်သော်လည်း၊အခြားအတန်းများကိုလည်းအတော်အညံ့ရောထားသင့်သည်ဟုထင်သည်။ဥပမာပဉ္စမတန်းတစ်တန်းလုံးမှအဆင့်ရှေ့ ရောက်သူ၅၀၊၆၀ကို(S)တန်းတွင်ခွဲထားသည်ကိုမကန့်ကွက်လိုသော်လည်းအဆင့်၅၀၊၆၀နောက်ရောက်ကျောင်းသားများကိုအတော်အညံ့ကျပန်းခွဲ၍အတန်းတိုင်းတွင်ထားသင့်သည်ဟုထင်သည်။ထိုမှသာကျောင်းသားများ၏စိတ်ထဲတွင်သူတော်သည်၊ငါညံ့သည်ဟူသောစိတ်မျိုးပျောက်ပြီးကြိုးစားချင်စိတ်ရှိမည်ဟုထင်မိသည်။ကျွန်တော့်စိတ်ကူးသာလျှင်ဖြစ်သည်။



အချိန်တွေခေတ်တွေပြောင်းခဲ့ပြီမို့ယခုဒဂုံ(၁)တွင်ဘယ်စနစ်ကျင့်သုံးနေသည်ကျွန်တော်လည်းမသိတော့။ထိုခေတ်ကကျောင်းအုပ်ဆရာကြီးမှာဦးနိုင်အောင်ဖြစ်ပြီးကျောင်းစတက်ချင်းပဉ္စမတန်းအတန်းပိုင်မှာသချာင်္ဆရာဦးမင်းမောင်ဖြစ်သည်။နောက်ဒဂုံ(၁)တွင်မှတ်မိသလောက်ဆရာ၊ဆရာမနာမည်မျာကိုရွတ်ပြရလျှင်ဦးလေးနိုင်၊ဒေါ်ခင်နွဲ့ တင်၊ဒေါ်တင်ရီ၊တီချာဘက်တီကျန်သည့်ဆရာများနာမည်ကိုမမှတ်မိတော့။ဒဂုံရောက်တော့ဆရာဆရာမများတစ်ချို့ ကားစာတစ်ကယ်သင်ကြသူများဖြစ်ပြီး၊တစ်ချို့ အားထိုစဉ်ခေတ်ရေစီးကြောင်းအရတာဝန်ကျေရုံတင်သာသင်သူများလည်းရှိသည်။ဘာပဲပြောပြောဆရာဆိုသည်မှာတစ်ရက်တစ်ခါတစ်ခုသင်ပေးလျှင်ဆရာအရာမြောက်၍ထိုထိုဆရာသမားများကိုလည်းလေးစားရိုသေဦးညွှတ်ကန်တော့လိုက်ပါသည်။



ဒဂုံ(၁)တွင်ကားလူစုံ၊ကျောင်းသားများပြား၊အရည်အချင်းထူးချွန်သူများကြသည်မို့ကျွန်တော်နှင့်ထူးချွန်ဆုမှာညားတစ်ချက်မညားတစ်ချက်ပင်ဖြစ်သည်။သို့ရာတွင်ဟန်ချက်ညီညီထိန်းနိုင်မှုကြောင့်ပဉ္စမတန်းမှလွဲ၍ဒဿမတန်းအထိအတန်း(S)တွင်သာကျောင်းထိုင်ဖြစ်ခဲ့သည်။အခြားအတန်းများတွင်ကျူရှင်မယူခဲ့သော်လည်းအရေးကြီးအတန်းများဖြစ်သည့်အဌမ၊န၀မ၊ဒဿမတန်းများတွင်တော့သူများနည်းတူကျူရှင်တက်ခဲ့သည်။ချို့ တဲ့သူမို့ သူများလိုဘာသာစုံဝိုင်းမတက်နိုင်၊တစ်ချို့ ဘာသာများကိုsessionသွားတက်ပြီးအရေးပါဘာသာများကိုသာဝိုင်းကျုရှင်တက်ခဲ့သည်။



ဆယ်တန်းရောက်သောအခါစိတ်ထဲတွင်ရည်မှန်းချက်တစ်ခုသာရှိသည်”ဆယ်တန်းဟာငါ့ဘ၀တစ်ဆစ်ချိုးဖြစ်တာကြောင့်ငါစာမေးပွဲမှာအတတ်နိုင်ဆုံးကြိုးစားမယ်။ဒါမှငါ့အတွက်သော်လည်းကောင်း၊ငါ့မိဘအတွက်သော်လည်းကောင်းအကျိုးရှိကောင်းမွန်မယ်”ဟူ၍။အခြားအမှတ်ဘယ်လောက်ရမှ၊ဂုဏ်ထူးဘယ်နှစ်ခုထွက်မှဟုမျှော်မှန်းချက်မျိုးမထားရှိခဲ့။အထက်တန်းစာမေးပွဲကြီးဖြေဆိုပြီးခဲ့လေပြီ။ချစ်လှစွာသောအဖေသည်လည်းစာမေးပွဲနောက်ဆုံးနေ့တွင်ထူးထူးခြားခြားသားအားလာကြိုခဲ့သည်။ဆယ်တန်းအောင်စာရင်းများထွက်သောအခါပုံမှန်စိတ်ဖြင့်သာသွားကြည့်ခဲ့သည်။ဘာသာစုံဂုဏ်ထူးထွက်ခဲ့ပါသည်။အမှတ်လည်းထိုစဉ်ကဘာလိုင်းတက်တက်၊တက်နိုင်လောက်အောင်အမှတ်မှီ၊အမှတ်ကောင်းခဲ့ပါသည်။အထက်တန်းစာမေးပွဲတွင်ကျွန်တော်အောင်မြင်မှုရရှိခဲ့သည်ဟုဆိုနိုင်ပါသည်။သို့ သော်ဘ၀စာမေးပွဲတွင်ကျွန်တော်ကျရှုံးခဲ့သည်။



ရန်ကုန်တက္ကသိုလ်ကျောင်းသားဘ၀

ထိုအခါကနိုင်ငံတော်၏ပညာရေးစည်းမျဉ်းကန့်သတ်ချက်ကြောင့်ကျွန်တော်အဆင့်မြင့်နည်းပညာတက္ကသိုလ်များသို့ကျွန်တော်တက်ရောက်ခွင့်မရခဲ့ပါ။ယုတ်စွအဆုံးဘူမိဗေဒဘာသာရပ်တောင်တက်ရောက်ခွင့်မမှီခဲ့ပါ။ကျွန်တော်ကျောင်းနေဖက်သူငယ်ချင်းများဆေး၊စက်မှု၊ကွန်ပြူတာဘာသာရပ်များတက်ယူလေ့လာနေချိန်တွင်ကျွန်တော်သည်ကားတိတ်ဆိတ်နှုတ်မဲ့စွာဖြင့်ရန်ကုန်တက္ကသိုလ်ကြည့်မြင်တိုင်နယ်မြေတွင်ရူပဗေဒဘာသာရပ်ကိုသာအဓိကယူသင်ကြားခွင့်ရရှိခဲ့သည်။ဘ၀တွင်ရင်ဆိုင်ဖူးသောဆုံးရှုံးမှုများအနက်ကအကြီးမားသောဆုံးရှုံးမှုပင်ဖြစ်သည်။ပညာရေးဘက်တွင်ကြိုးစားသလောက်အသိအမှတ်မပြုခံရသောဆုံးရှုံးမှုပင်ဖြစ်သည်။



ဥပမာဆိုရလျှင်လက်ဝှေ့သမားတစ်ယောက်စင်ပေါ်တက်ပြီးသိက္ခာရှိရှိယှဉ်ပြိုင်ရှုံးနိမ့်ခဲ့ရလျှင်ကျွန်တော့်ကျေနပ်မိမှာအမှန်ဖြစ်သည်။အခုတော့စင်ပေါ်တက်မပြိုင်မှီလက်အချိုးခံခဲ့ရသောအဖြစ်၊စင်ပေါ်ပင်မတက်လိုက်ရသည့်အဖြစ်ပင်ဖြစ်သည်။ဤအဖြစ်မျိုးမဖြစ်သင့်ဟုထင်သည်။အခြားသူငယ်ချင်းများထဲမှတစ်ချို့ မိဘများကပြောပြချက်သူတို့ခေတ်ကအကြောင်းအခွင့်သင့်သောအခါကျွန်တော့်အားပြောပြကြသည်။သူတို့ခေတ်ကပိုဆိုးသည်။မြန်မာလူမျိုးမဟုတ်သူဆေးကျောင်းကိုနယ်မှာတက်ရသည်။နောက်တစ်ဆင့်ဥပဒေထွက်သည့်အခါနိုင်ငံသားသုံးဦးမရှိပါကမရှိသူကိုဆေး၊စက်မှုတွင်ပထမနှစ်၊ဒုတိယနှစ်တက်နေလင့်ကစားလက်ရှိလိုင်းမှအခြားရိုးရိုးလိုင်းများသို့ အတင်းအကျပ်ပို့ခြင်းခံရသည်ဟုဆိုသည်။



ကျွန်တော့်အနေနှင့်ဤဖြစ်ရပ်များမှာမဖြစ်သင့်ဟုထင်သည်။လူတစ်ဦးတစ်ယောက်သည်ဘယ်လူမျိုးမဆိုထူးချွန်လျှင်အားပေးမြေတောင်မြှောက်သင့်သည်ဟုထင်သည်။နိုင်ငံသားစီစစ်ရေးကဒ်ပြားများထုတ်ပေးသည်ဟုဆိုသော်လည်းကိုယ်တိုင်မြန်မာနိုင်ငံမှာမွေးဖွားပြီးတစ်သက်နေထိုင်လာပြီးကိုယ့်သားသမီးများအရွယ်ရောက်လာသည်အထိဧည့်နိုင်ငံသားအဆင့်ပင်လျှောက်၍မကျလာသည်မှလက်ခံနိုင်ဖွယ်ရာမရှိချေ။နယ်စပ်ဒေသများတွင်ကားမြန်မာလူမျိုးမဟုတ်သော်လည်းနေ့တွင်းညတွင်းချင်းနိုင်ငံသားစိစစ်ရေးကဒ်ပြားရလာသည်များကားဒူနဲ့ဒေးဖြစ်သည်။မတတ်နိုင်ချေ။ထိုခေတ်ထိုအခါကနိုင်ငံတော်တွင်ဖြစ်ပျက်နေသောပြယုဒ်များသာဖြစ်သည်။ခါချဉ်တစ်ကောင်၏အားနှင့်တောင်ပြိုနိုင်မည်တဲ့လား။ကိုယ့်ကံပဲရှိပါစေတော့။နောက်ဆုံးလူဆိုသည်မှာကိုယ်မနိုင်လျှင်ကံကိုသာလွဲချစမြဲသာဖြစ်သည်မဟုတ်လား။



နာကျည်းစိတ်ကိုအားငယ်စိတ်အသွင်မဖြစ်ရစေပဲတွန်းအားတစ်ရပ်အနေနှင့်ယူဆပစ်ဖို့သာအရေးကြီးပေသည်။ ”သူတစ်ပါးကိုယ့်အားဖိနှိပ်လာလျှင်ကိုယ့်ဘ၀ရှေ့ လမ်းတိုးတက်ဖို့အတွက်တွန်းကန်အားတစ်ရပ်အနေနှင့်ယူဆထားမှသာဘ၀မှာအောင်မြင်မှုရှိနိုင်လေပေမည်။”ရူပဗေဒအဓိကယူထားသောတက္ကသိုလ်ကျောင်းသားဘ၀တွင်ကျွန်တော်ကျောင်းတက်ရသည်မှာစိတ်သိပ်မပါလှသည်မှာအမှန်ဖြစ်သည်။ထိုကြောင့်အမှတ်များမှာလည်းအောင်ရုံတင်သာရှိပြီးအရင်စံချိန်မမှီတော့။တစ်ဖက်မှကိုယ်စိတ်ဝင်စားရာတရုတ်စာနှင့်အင်္ဂလိပ်စာသင်တန်းများကိုအပြင်မှာတက်ရောက်သင်ယူပြီး၊တစ်ဖက်မှမိသားစုစားဝတ်နေရေးတစ်ဖက်တစ်လမ်းအထောက်အကူပြုရေးအတွက်ကလေးများကိုအင်္ဂလိပ်စာအိမ်လိုက်တင်၊အထက်တန်းကျောင်းသားများကိုstudy guideလုပ်ပေး။တစ်နေ့လုံးနေထွက်မှနေ၀င်ဆရာဖြစ်လိုက်၊တပည့်ဖြစ်လိုက်နှင့်သာအလုပ်ရှပ်လျက်ရှိသည်။လူဆိုသည်မှာတစ်ကယ်အကျပ်အတည်းနှင့်ကြုံတွေ့ လာချိန်တွင်ဆင်းရဲပင်ပန်းမှုကိုပိုမိုခံနိုင်ရည်ရှိလာသည့်မြုပ်နေတတ်သောစွမ်းအင်တစ်ခုရှိလေသည်။ထိုစဉ်ကပင်ပန်းမှုများကားပြည်ပထွက်လာချိန်ပင်ပန်းမှုများနှင့်စာလျှင်အဆများစွာပိုသော်လည်းစိတ်ထဲကပင်ပန်းသည်ဟုမယူဆမိ။စိတ်ထဲတွင်လည်းအမေပြောခဲ့ဖူးသောစကားတစ်ခွန်းအမြဲကြားယောင်ကာအင်အားတစ်ခုဖြစ်စေသည်”အမေမင်းတို့ကိုအမွေပေးနိုင်ခဲ့တာပညာတစ်ခုပဲရှိတယ်။”ဟူ၍။



ရူပဗေဒဒုတိယနှစ်တက်ချိန်တွင်အခွင့်အရေးတစ်ခုပေါ်လာသည်။ထိုင်ဝမ်တက္ကသိုလ်မှပင်လယ်ရပ်ခြားတရုတ်လူမျိုးများအတွက်ကျောင်းဝင်ခွင့်စာမေးပွဲများကျင်းပမည်ဟုကြားသိရသည်။တရုတ်စာကိုအင်္ဂလိပ်စာလောက်မပိုင်နိုင်သည်မို့ဇဝေဇ၀ါဖြစ်မိသော်လည်းဒီတိုင်းနေမည့်အတူတူစမ်းကြည့်မယ်ဟုဆုံးဖြတ်ချက်ချကာသက်ဆိုင်ရာစာမေးပွဲစစ်မိဘာသာရပ်များကိုကျုရှင်တက်လေ့လာမိသည်။ပထမရန်ကုန်ဇကာတင်စာမေးပွဲတွင်အောင်ပြီးမန္တလေးတွင်ဒုတိယအစဉ်စာမေးပွဲဖြေရသည်။မျှော်လင့်ချက်သိပ်များများစားစားမထားမိ။ အောင်စာရင်းထွက်လာတော့ထိုင်ဝမ်မြို့ဗဟိုတက္ကသိုလ်မှာအက်လက်ထရစ်ကယ်အင်ဂျင်နီယာဘာသာရပ်အဓိကဖြင့်ကျောင်းတက်ရန်အကြောင်းကြားစာရောက်လာသည်။လက်ရှိတက်နေသောရူပဗေဒထက်စာရင်နည်းနည်းတိုးတက်မယ်ထင်၍မိဘနှင့်ဝေးရာရေခြားမြေခြားထိုင်ဝမ်ကျွန်းလေးသို့ပညာသင်ရန်ကျွန်တော်ရောက်လာခဲ့သည်။



ထိုင်ဝမ်တက္ကသိုလ်ကျောင်းသားဘ၀

ထိုင်ဝမ်တွင်လည်းသူများလိုအမျိုးများများစားစားမရှိ။အသိဟူ၍အဒေါ်ဝမ်းကွဲတစ်ယောက်နှင့်အစ်မ၀မ်းကွဲတစ်ယောက်၏သူငယ်ချင်းသာရှိသည်။ကံကောင်းသည်ကထိုနှစ်ယောက်စလုံးကျွန်တော့်အပေါ်ကောင်း၍လှိုက်လှိုက်လှဲလှဲရှိလှသည်။အစ်မ၀မ်းကွဲသူငယ်ချင်းဖြစ်သူကရောက်စတွင်ကျွန်တော်သုံးဖို့ဝေယျာဝစ္စပစ္စည်းများဝယ်ပေးရုံတင်မကဂျပန်သွားသူသူ့ အစ်ကိုချန်ထားခဲ့သောအ၀တ်အစားများကိုပေးကျွန်တော့်အားပေးခဲ့သည်မို့အ၀တ်အစားဝယ်ဝတ်စရာပင်မလိုတော့။ကျွန်တော်အဒေါ်ဖြစ်သူကလည်းသူမြန်မာပြည်မှာရှိစဉ်ကျွန်တော်ငယ်ငယ်ကတည်းကကျွန်တော့်ကိုသံယောဇဉ်ရှိချစ်ခင်သည်မို့သားတစ်ယောက်နှင့်မခြားကူညီစောင့်ရှောက်ထားသောကြောင့်ကျွန်တော့်အဖို့အထူကံကောင်းလှသည်။ထိုသူနှစ်ဦး၏ကျေးဇူးကိုလည်းကျွန်တော့်ရင်ထဲတွင်အမြဲအမှတ်ရကျေးဇူးတင်လျက်ရှိသည်။



ထိုင်ဝမ်တက္ကသိုလ်ကျောင်းသားဘ၀သည်ကားမြန်မာနိုင်ငံကတက္ကသိုလ်ကျောင်းသားဘ၀လိုကျော့ကျော့မော့မော့အချိန်တန်ကျောင်းသွား၊ပြန်ရင်မိဘချက်ကျွေးတာစားလိုဘ၀မျိုးနှင့်အကွာကြီးကွာလှလေသည်။ရောက်စဆရာစာသင်လျှင်ဘာသာအတားအဆီးရှိသည်မို့ သူရှင်းပြသည်များကို၅၀ရာနှုန်းပင်နားမလည်၊ရထား၊ကားစီးလျှင်အားလုံးတရုတ်လိုပဲပြောဆိုကြားနေသောဘာသာစကားသိပ်မကျွမ်းကျင်သောကျွန်တော့်အဖို့ရေမဲ့ငါးသဖွယ်သူစိမ်းကြားဝယ်အားငယ်နေမိသည်။ကံကောင်းထောက်မ၍တက္ကသိုလ်တွင်အင်္ဂလိပ်ဘာသာအော်ရီဂျင်နယ်ဖတ်စာအုပ်များနှင့်သင်၍ဆရာသင်၍မနားလည်လျှင်ကိုယ့်ဘာသာကိုဖတ်စာအုပ်လှန်ဖတ်လို့ရသေးသည်။သို့သော်ဆရာရှင်းပြသည်ကအနှစ်ဖြစ်ကာကိုယ်ကြည့်ရသည်ကအကုန်လုံးမို့ အချိန်လည်းကုန်သိပ်လည်းမထိရောက်၍ခဏခဏဘာသာရပ်တစ်ချို့ တွင်စာမေးပွဲမအောင်ဖြစ်သည်။အောင်မှတ်ကလည်းမြန်မာပြည်လို၄၀မဟုတ်၊အမှတ်၆၀မှအောင်ပြီးအမှတ်၅၉ရသည်ပင်ဆရာကိုအကွန့်တက်၍အောင်ခိုင်းလို့ မရ။စာမေးပွဲကျခြင်းမှာထိုင်ဝမ်ရောက်လာပြီးအဆန်းမဟုတ်တော့။စာသင်လျှင်ဆရာကတစ်ချို့ နေရာများတွင်ဒါမင်းတို့ အထက်တန်းမှာသင်ပြီးတဲ့ဟာတွေဆိုပြီးကျော်သွားလျှင်ရန်ကုန်တက္ကသိုလ်ပထမဒုတိယနှစ်မှာပင်မတွေ့ ဖူးမဖတ်ဖူးသောကျွန်တော့်အဖို့မျက်လူးဆန်ပြာဖြစ်ရသည်။



ထိုင်ဝမ်နိုင်ငံသားကျောင်းသားများအဖို့ကတော့အထက်တန်းတွင်အခြေခံပိုင်ပြီးနေပြီမို့အဆန်းမဟုတ်တော့။သူတို့အတွက်တက္ကသိုလ်ပထမနှစ်၊ဒုတိယနှစ်ကစာပြန်နွေးသည့်သဘောသာရှိပြီးပေါ့ပေါ့ပါးပါးပျော်ပါးနေသောအချိန်ကာလများသာဖြစ်သည်။သူတို့ ကိုကြည့်လျှင်အခြားအချိန်များတွင်ကိုယ်နှစ်သက်ဝါသနာပါရာအသင်းအဖွဲ့ များနှင့်အချိန်ကုန်ပျော်ပါးနေကြပြီးညဖက်ဆိုလျှင်သန်းခေါင်ကျော်သည်အထိအင်တာနက်ပေါ်တွင်စကားပြော၊ဂိမ်းဆော့၊မနက်ဖြန်စာမေးပွဲဆိုလျှင်ဒီတစ်ည၊နှစ်ညမှစာကြည့်သွားဖြေ၊အောင်စာရင်းထွက်လာလျှင်အမှတ်၈၀၊၉၀။ကိုယ့်မှာတော့အားရင်အားသလိုစာကြည့်သွားဖြေတာတောင်အောင်မှတ်၆၀ရဖို့အနိုင်နိုင်။ရယ်စရာလည်းအကောင်းသား။



သူများပျော်ပါးကစားနေချိန်တွင်ကိုယ့်ဝမ်းစာရေးအတွက်အချိန်ပိုင်းအလုပ်ကျောင်းတက်ရင်ကျောင်းမှာရှာလုပ်ရသည်။အလုပ်ဆိုလျှင်အနုအလုပ်စာရိုက်၊ဖိုင်ပို့အလုပ်ကစအကြမ်းတံမြက်လှည်း၊မြက်ရိတ်၊အမှိုက်သိမ်းအလုပ်ထိလုပ်ဖူးသည်။ကျောင်းတွင်ကျွန်တော့်အားအကူအညီအများဆုံးပေးဖူးသူနှစ်ယောက်ရှိသည်။တစ်ယောက်ကပင်လယ်ရပ်ခြားကျောင်းသားများကိုထိမ်းကွပ်ရသောအရာရှိအမျိုးသမီးကြီးမစ္စစ်လင်နှင့်နောက်တစ်ဦးမှာဘွဲ့ ရကျောင်းသားများကိုအလုပ်ကူရှာပေးသည့်အဖွဲ့ မှအမျိုးသမီးလက်ထောက်အရာရှိမစ္စစ်ကျန်းဖြစ်သည်။ထိုနှစ်ယောက်မှာကျွန်တော့်ဘ၀အကြောင်းသိ၍ကျောင်းတွင်အချိန်ပိုင်းအလုပ်ရှိလျှင်ကျွန်တော့်ကိုဦးစားပေးပြောပေးလေ့ရှိသည်။ကျွန်တော့်အနေဖြင့်လည်းယနေ့တိုင်သူတို့နှစ်ဦး၏ကျေးဇူးကိုအစဉ်အောက်မေ့သတိရလျက်ရှိသည်။ဝမ်းစာရေးအတွက်အလုပ်ရွေးနေ၍မရ။ပင်လယ်ရပ်ခြားကျောင်းသားချင်းအတူတူမလေး၊ဟောင်ကောင်၊အင်ဒိုကလာသောကျောင်းသားများကိုမျက်နှာသာပေး၊အချိန်ပိုင်းအလုပ်ကောင်းရကြပင်မယ့်မြန်မာပြည်ကဆိုလျှင်တော့အကျန်အလုပ်တာပေးတတ်ကြသည်မို့ဒီမိုကရေစီနိုင်ငံရောက်နေပြီးတိုင်းပြည်ကြောင့်လူ့ အခွင့်အရေးဆုံးရှုံးနေရသလားဟုပင်တစ်ခါတစ်ရံတွေးမိသည်။မိအေးနှစ်ခါနာဟုဆိုရမလောက်ပင်။



နှစ်ကူးနှင့်နွေရာသီကျောင်းပိတ်လျှင်လည်းထိုင်ဝမ်ကျောင်းသားများကကိုယ်အိမ်ပြန်တဲ့သူပြန်၊သွားလည်တဲ့သူသွားလည်၊နိုင်ငံခြားထွက်အင်္ဂလိပ်စာသင်တဲ့သူသင်ကြသော်လည်းကိုယ့်မှာကပြန်နိုင်စရာလည်းအိမ်မရှိ၊မြန်မာပြည်ပြန်ဖို့ ကလည်းလေယာဉ်စရိတ်မရှိသည့်အပြင်ကျောင်းပိတ်ရက်အလုပ်ဖိမလုပ်လျှင်ကျောင်းဖွင့်လျှင်ကျောင်းလခအလျင်မမှီနိုင်သည်မို့။ရရာအလုပ်ကိုရှာကြံသိမ်းကြုံးလုပ်ရပြန်သည်။လုပ်ဖူးသမျှအလုပ်များကိုပြောရလျှင်ဂျယ်လီစက်ရုံတွင်ထွက်လာသောဂျယ်လီလုံးလေးများအနာအဆာရှိမရှိစစ်ဆေး၊ထုပ်ပိုး၊ကားပေါ်တင်လုပ်ဖူးသလို၊ခရစ္စမတ်တွင်အိမ်ပြူတင်းပေါက်တွင်အလှဆင်သည့်ရောင်စုံကော်ပြားဖရိမ်များကိုရောင်စုံဆေးစက်ချသောအလုပ်လည်းလုပ်ဖူးသည်။ဆားကစ်ပြားပေါ်ပစ္စည်းအော်တိုမစ်တစ်ရိုက်သည့်စက်နှစ်လုံးသုံးလုံးကိုထိန်းရသည့်အလုပ်လုပ်ဖူးသလိုစားသောက်ဆိုင်စားပွဲထိုးလည်းလုပ်ဖူးသည်။



ထိုင်ဝမ်ဆောက်လုပ်ရေးလုပ်သားဘ၀

နောက်ပိုင်းတွင်သူငယ်ချင်းတစ်ယောက်ကမိတ်ဆက်ပေး၍ကျောင်းအားရပ်အချိန်နည်းနည်းတွင်နေ့တွက်များများရသောဆောက်လုပ်ရေးဆိုက်များတွင်အလုပ်ကြမ်းလုပ်သောအလုပ်ပဲတောက်လျှောက်လုပ်လာခဲ့သည်မှာကျောင်းပြီးဘွဲ့ ရသည့်အထိဖြစ်သည်။ဆောက်လုပ်ရေးလုပ်ငန်းတွင်အခန်းကာအပြားဖုံး၊မျက်နှာကျက်အပြားထည့်စသည့်အလုပ်များကိုလုပ်ရသည်။ကိုယ်ဖုံးမည့်၎ပေ၊၈ပေထုံးကျောက်ပြားများနှင့်သံဖရိမ်များကိုကိုယ်ဖုံးမည့်နေရာထိရောက်အောင်မရသည်။ပြီးလျှင်လိုအပ်သလိုဖြတ်တောက်ပြီးမူလီစုပ်ရသည်။မျက်နှာကျက်အပြားများထည့်လျှင်လှေကာပေါ်တက်လျက်ကပင်လမ်းလျှောက်သလိုလျှောက်သွားပြီးထည့်ရသည်။လှေကားပေါ်မှပြုတ်ကျ၍လက်ဝါးဆစ်အက်ဖူးသလို၊နှုတ်ခမ်းလည်းထုတ်ချင်းပေါက်ဖူးသည်။ထိုစဉ်ကတစ်ချို့ ကကိုယ့်ဗလဖလန်လေးကိုကြည့်ပြီးဆောက်လုပ်ရေးလုပ်ဖူးသည်ဟုဆိုလျှင်သိပ်မယုံကြည်ချင်ကြ။တစ်ကယ်တော့ကိုယ့်ဝမ်းနာကိုယ်သာအသိဆုံးဖြစ်သည်။



နောက်ပိုင်းမြန်မာပြည်ပြန်လျှင်တစ်ချို့ သောသူများထိုင်ဝမ်မှာဆောက်လုပ်ရေးလုပ်ငန်းလုပ်သည်သိန်းနဲ့ချီရသည်ဟုကြွားသံကြားရလျှင်အကြောင်းသိတွေမို့စိတ်ထဲတွင်ကြိတ်ရယ်မိသည်။တကယ်တော့သူတို့လုပ်သည့်ဆောက်လုပ်ရေးလုပ်ငန်းဆိုသည်ကသူများထံမှာကျွဲလုပ်နွားလုပ်သလိုကျွန်လုပ်နေရခြင်းသာ။ကြွားစရာမရှိကြွားသောသူများပင်။မြန်မာပြည်မှသူများကနိုင်ငံခြားရောက်နေလျှင်နိုင်ငံခြားပြန်ဆိုလျှင်အထင်ကြီးချင်ကြသည်။သူတို့ မသိသည်ကနိုင်ငံခြားရောက်နေသူအများစုကကျွဲလိုနွားလိုအလုပ်လုပ်နေရခြင်းပင်။ထို့ ကြောင့်တစ်ခါတစ်လေမြန်မာပြည်ပြန်ရောကလို့သူငယ်ချင်းထဲမှနိုင်ငံခြားသွားလိုကြောင်းပြောလျှင်ကျွန်တော်ကတော့ပုံမှန်လုပ်ငန်းတစ်ခုရှိ၊၀င်ငွေမှန်မှန်ရနေသောအလုပ်ရှိနေပါကနိုင်ငံခြားသွားရန်မတိုက်တွန်းလို။ကိုယ့်မြေကိုယ်နေရာမှာပင်အေးအေးဆေးဆေးနေစေချင်သည်။နိုင်ငံခြားရောက်ဘ၀ကိုလည်းအရင်းခံရှုင်းပြလေ့ရှိသည်။နားဝင်သည်မ၀င်သည်ကတစ်ကြောင်း၊ကိုယ့်မှာမှန်ရာပြောပြရမည့်တာဝန်ရှိသည်မဟုတ်ပါလား။



ဆောက်လုပ်ရေးလုပ်နေစဉ်အတွင်းလူအမျိုးစိတ်အထွေထွေတို့နှင့်ထိတွေ့ ဆက်ဆံခဲ့ရသည်။မောက်မာရိုင်းပြကြမ်းတမ်းသူများရှိသလို၊ကိုယ်ညီကိုယ့်သားစိတ်ဖြင့်ကူညီသင်ပြရိုင်းပင်းပေးကြသောလုပ်ဖော်ကိုင်ဖက်များလည်းရှိသည်။အများအားဖြင့်ကတော့ကိုယ့်အစ်ကိုအရွယ်၊ဦးလေး၊ဘကြီးအရွယ်တွေကများသည်။ကိုယ်ကျင်လည်ရာဝန်းကျင်ကတော့မြန်မာပြန်တွေသာများသည်။ခေါင်းဆောင်သူဌေးလုပ်သူကလည်းမြန်မာပြန်ပင်ဖြစ်သည်။သူဌေးတွင်လည်းသူဌေးအမျိုးမျိုးရှိသည်။တစ်ချို့ မှာအလုပ်လုပ်ပေးပြီးပိုက်ဆံပေးမမှန်သော၊တစ်ချို့ ကပိုက်ဆံပင်လုံးဝမပေးသောသူဌေးများရှိသည်။ကျွန်တော်ကတော့ကံကောင်းသည်ဟုဆိုရမည်။ကြုံသမျှသူဌေးများထဲတွင်ပိုက်ဆံပေးမမှန်သောသူဌေးမျိုးမတွေ့ ဖူးပေ။ကျွန်တော်သူငယ်ချင်းများထဲတွင်တော့ကြုံဖူးသူများရှိသည်။ပါးစပ်ကြမ်းသောသူဌေး၊စာနာတတ်သောသူဌေးမျိုးသာကြုံတွေ့ ဖူးသည်။သဘောဒီလောက်မဆိုးသော်လည်းပါးစပ်ဆိုးသောသူဌေးမှာမောင်ကွ(အမည်ရင်းများကိုလွဲထားပါသည်)ဖြစ်သည်။ကျွန်တော့်ကိုဆူသောစကားများထဲတွင်အနာဆုံးစကားမှာ”မင်းတက္ကသိုလ်တက်၊စာဒီလောက်ဖတ်ခဲ့ပြီးမူလီတစ်ချောင်းကိုတောင်အဖြစ်ရှိအောင်မထိုးတတ်ဖူးလား။မင်းဦးနှောက်ကဘာလုပ်ဖို့လဲ။ငါ့တုန်းကဆိုမူလီမထိုးတတ်လို့နေ့လည်ထမင်းစားချိန်ကိုမူလီထိုးကျင့်ခဲ့တယ်”ဟူ၍။သူမသိသည်ကတက္ကသိုလ်ကသင်သောစာများတွင်မူလီထိုးနည်းမပါသလိုသူမူလီထိုးကျင့်တာကတစ်သက်တာလုပ်စားဖို့ဖြစ်ပြီးကျွန်တော်တို့ကျောင်းသားမူလီထိုးတယ်ဆိုတာကမသက်သာလို့အခိုက်အတန့်ထိုးတာမို့ကျွမ်းကျင်အောင်ကျင့်စရာမလိုသည်ကိုပင်။နောက်တစ်ဦးကတော့ကိုပီတိုး၊သူကတော့သဘောထားမဆိုး၊တစ်ခါတစ်ရံပုံမလာသည့်အမှားမျိုးဆိုလျှင်တော့ဆူတတ်သည်။သူအားချိန်သူ့ ဘ၀ကိုပြောဖူးသည်။သူလည်းကျောင်းတက်မည့်အနေနှင့်ထိုင်ဝမ်လာခဲ့ခြင်းပင်၊သူတို့ခေတ်ကလာပြီးမကြာထိုင်ဝမ်အစိုးရကမှတ်ပုံတင်ထုတ်ပေးသည်မို့ ဒုတိယနှစ်တွင်စိတ်လေပြီးဆောက်လုပ်ရေးလုပ်ငန်းကစတင်ခေတ္တ၀င်လုပ်မည်ဆိုပြီးလုပ်ပြီးနောက်အခြားလုပ်ငန်းပြောင်းဖို့ လည်းမ၀ံ့ရဲမို့အခုထက်ထိဒီဝဲဂယက်ကထွက်မရသေးပေ။သူကျွန်တော့်ကိုခဏခဏပြောဖူးသည်”ကောင်လေး၊မင်းကျောင်းပြီးသွားရင်ဆောက်လုပ်ရေးလာမလုပ်နဲ့။မင်းအတတ်ပညာနဲ့ထိုက်တန်တဲ့အလုပ်သာသွားလုပ်။မဟုတ်ရင်မတန်ဘူး။”သူ့ ကိုတော့ကျွန်တော်လေးစားချစ်ခင်သည်။ကျောင်းပိတ်တိုင်းသူ့ ဆီဖုန်းဆက်အလုပ်တောင်းမြဲဖြစ်သည်။သူကလည်းအလုပ်ရှိလျှင်ကျွန်တော့်ကိုဦးစားပေးခေါ်စမြဲပင်။နောက်တစ်ဦးကတော့ရန်ကုန်တွင်ကန်ထရိုက်လုပ်ဖူးသောစန်းကူလေး။ရန်ကုန်မှာတုန်းကတစ်ခါနေပူကျဲကျဲထဲသွားလိုက်လာလိုက်အလုပ်လုပ်သောကြောင့်မူးမိုက်လဲပြီးဦးနှောက်အမြှေးရောင်ဖူးသည်ဟုဆိုသည်။ဆောက်လုပ်ရေးကိုအခိုက်အတန့်တစ်ခုအရင်းတစ်ခုရရုံမျှသာလုပ်ပြီးရန်ကုန်ပြန်သွားသူဖြစ်သည်။သူက”ကောင်လေး။မင်းအရင်းတစ်ခုရှာပြီးအလုပ်လုပ်မယ်ဆိုရင်။ပမာဏတစ်ခုကိုတားကတ်ထားပြီးစု။ရတာနဲ့သတ္တိရှိရှိနဲ့ပြန်ပြီးအလုပ်လုပ်ပေတော့။တွေဝေမနေနဲ့”တဲ့။ဒီလုပ်ဖော်ကိုင်ဖက်တွေ၊ဒီသူဌေးတွေကိုလည်းဘာပဲဖြစ်ဖြစ်ကျွန်တော့်ဘ၀အတွေးအခေါ်ရင့်ကျက်လာအောင်တစ်ဖက်တစ်လမ်းကလမ်းဖွင့်ပေးတဲ့အတွက်ကျေးဇူးတင်သတိရလျက်ပါ။



ရန်ကုန်တွင်ဘ၀တက္ကသိုလ်မှာစာမေးပွဲတစ်ခါကျဖူးသော်လည်းကျွန်တော်ထင်သည်ထိုင်ဝမ်တွင်ကျင်လည်သောဘ၀တက္ကသိုလ်တွင်တော့ကျွန်တော်အောင်မြင်သည်ဟုဆိုရပေမည်။ရန်ကုန်တွင်ပိန်ပိန်ပါးပါးပျော့ပျော့ပြောင်းပြောင်းအေးဆေးနေတတ်ပြီးစကားနည်းသူတစ်ယောက်ထိုင်ဝမ်ရောက်ပြီးပတ်ဝန်းကျင်ဖန်တီးမှုကြောင့်စိတ်ဓာတ်ကြံခို

င်၊ကိုယ်ကာယမာကျော၊မဟုတ်မခံပြန်ပြောတတ်သောသူတစ်ယောက်အဖြစ်အသွင်ပြောင်းလာခဲ့လေပြီ။ရန်ကုန်တွင်စက်ဘီးပင်ဖြောင့်အောင်မစီးတတ်သူတစ်ဦးအခုအခါစက်ဘီး၊ဆိုင်ကယ်ကျင်ကျင်လည်လည်မောင်းတတ်ရုံမကကားမောင်းပင်တတ်ခဲ့လေပြီ။မိမိကိုယ်ကိုစကားတစ်ခွန်းအမြဲပြောသည်”လောကတွင်မလုပ်တတ်သောအလုပ်၊မဖြစ်သောအလုပ်ဟူ၍မရှိ၊မလုပ်ချင်သေး၍သွားမလုပ်သေးခြင်းသာဖြစ်သည်“ဟု။



ဘွဲ့ ရပြီးအလုပ်ခွင်ဘ၀

ကျောင်းပြီးဘွဲ့ ရတော့ကျောင်းကမိုးလေ၀သဘာသာရပ်ဌာနတွင်ပရော်ဖက်ဆာအကူတစ်ယောက်အနေနှင့်ခြောက်လကြာအလုပ်လုပ်ပြီးနောက်ယခုလက်ရှိအလုပ်လုပ်နေသောကုမ္ပဏီတွင်ဆားကစ်ဒီဇိုင်းဆွဲသူအဖြစ်အလုပ်လုပ်နေခဲ့သည်မှာမျက်စိရှေ့ တွင်ပင်(၈)နှစ်ရှိခဲ့လေပြီ။ဆောက်လုပ်ရေးလုပ်သားဘ၀ကပထမသူဌေးပြောခဲ့သောဘ၀မှလွပ်၍ဒုတိယသူဌေးပြောသောပညာဖြင့်လုပ်စားသောအလုပ်တစ်ခုလက်ရှိရှိနေပြီးတတိယသူဌေးပြောသောဘ၀တော့ဘယ်အချိန်ရောက်မယ်မသိသေးပါဟုပင်ဆိုချင်ပါသည်။



အထက်တွင်ဖော်ပြထားသည်တို့ကားကျွန်တော့်ဘ၀(၃၆)နှစ်လုံးလုံးကျင်လည်လာခဲ့သောဘ၀အကျဉ်းပင်ဖြစ်ပြီးအကျယ်ပြောရလျှင်တော့ပြောကုန်မည်မထင်ပါ။ရေးထားသည်မှာသိပ်ရှည်လျားလွန်း၍အချိန်ယူဖတ်ပေးသူအားလုံးကိုကျေးဇူးတင်ပါသည်။ကျွန်တော့်ကိုယ်တွေ့ ကျင်လည်ခဲ့သောဘ၀ထဲမှကောင်းသည်များကိုအတုယူနိုင်စေ၍မကောင်းသည်များလည်းကင်းဝေးနိုင်ပါစေလို့ဆန္ဒပြုအပ်ပါတယ်။မုန်တာပြော၊ကောင်းတာလုပ်သောကြောင့်ဟုထင့်။ဘ၀အစမှအခုအချိန်အထိမဖြေရှင်းနိုင်လောက်အောင်ကြီးမားသောပြဿနာကြီးကြီးကျယ်ကျယ်မကြုံဖူးပါ။



နောက်ဆုံးကျွန်တော့်(၁၀)သုံးလုံးမွေးနေ့အတွက်အားလုံးကိုစကားလက်ဆောင်ပါးချင်ပါသည်။

၀၁။မိဘကိုအသက်ရှိနေစဉ်အတွင်းရိုသေစောင့်ရှောက်ပါ။

၀၂။မိမိဘ၀အခြေအနေအမှန်ကိုသိတတ်အောင်ကြိုးစားပါ။

၀၃။မိမိကိုယ်ကိုအထင်လည်းမကြီး၊အထင်လည်းမသေးပါနှင့်။အထင်ကြီးလွန်းလျှင်မာနဆိုတာဖြစ်တတ်ပြီး၊ အထင်သေးလွန်းလျှင်လည်းသိမ်ငယ်ပြီးအရာရာမပြောရဲမဆိုရဲမလုပ်ရဲဖြစ်တတ်ပါသည်။

၀၄။မိမိမနှစ်သက်သောအပြုအမူ၊အပြောအဆိုကိုသူတစ်ပါးအပေါ်လည်းမပြုမမူ၊မပြောဆိုပါနှင့်။

၀၅။ဘ၀အကြောင်းမလှ၍အရှုံးနှင့်ရင်ဆိုင်ရပါကအားလျော့အရှုံးပေးခြင်းမရှိပဲဖိအားကိုမိမိတိုးတက်ရာတွန်းအားအနေနှင့်အသွင်ပြောင်း၍ကြိုးစားပါ။

၀၆။ရောင့်ရဲတင်းတိမ်တတ်အောင်ကြိုးစားပါ။ ၀၇။စီးပွားရှာရာတွင်လည်းသမ္မာအာဇီဝနှင့်သူဘက်ကိုယ့်ဘက်မျှမျှတတစဉ်းစားတတ်ပါစေ။

၀၈။မှန်တာကောင်းတာသင့်တာတွေ့ ရင်သူငယ်ချင်းဆွေမျိုးသားချင်းများကိုအကြံပြုနိုင်ပါတယ်။ ဒါပင်မယ့်ဇွတ်အတင်းကိုယ့်ယူဆချက်များကိုလက်ခံခိုင်းခြင်းမျိုးရှောင်ကြဉ်ပါ။

၀၉။မိမိနှင့်ဘာသာ၊အယူအဆအတွေးအခေါ်မတူသူများနှင့်တွေ့ ကြုံရပါကငြင်းခုန်ဝေဖန်ခြင်းမျိုးရှောင်ကြဉ်ပါ။

မိမိနှင့်မူကွဲသောဘာသာ၊အယူအဆ၊အတွေးအခေါ်များဟုသာမှတ်ယူပါ။

၁၀။အပေါင်းအသင်းမိတ်ဆွေများနှင့်ပေါင်းသင်းဆက်ဆံသည့်အခါသူသာသည်ကိုယ်နာသည်မယူဆပဲ၊ကိုယ်စွမ်းသလောက်စေတနာမှန်မှန်ဖြင့်ကူညီပါ။

(မှတ်ချက်-ကိုယ်လက်ခံကျင့်သုံးသောအချက်များကိုအများအားဝေမျှခြင်းသာဖြစ်ပြီးလက်ခံသင့်မသင့်ကိုယ်တိုင်လွတ်လပ်စွာတွေးခေါ်ယူဆနိုင်ပါတယ်။)



အဝေးရောက်သား (၂၀၁၀၊၁၀၊၀၈ ထိုင်ဝမ်စံတော်ချိန် ၀၅း၁၁)။ ။