Monday, February 28, 2011

မွေးမြေတစ်ခေါက်အလည်ရောက်

အမိမြေသို့အဆင်း


ကျွန်တော့်အားသယ်ဆောင်ခဲ့သောလေယာဉ်ကြီးကားတဖြည်းဖြည်းနှင့်ရန်ကုန်အပြည်ပြည်ဆိုင်ရာလေဆိပ်ဆီသို့ဦးတည်ချည်းကပ်လာလေပြီ။ကောင်းကင်မှအမိမြေအားစေတီလေးများ၊စိမ်းလန်းသောမြေကွက်များ၊အစီအရီရှိနေသောလူနေအဆောက်အအုံခေါင်းမိုးများကိုလွမ်းမောဖွယ်တွေ့ မြင်ရသည်။

”အမိမြန်မာနိုင်ငံအားကောင်းကင်ပေါ်မှစီးတွေ့ ရစဉ်။”


”ရန်ကုန်မင်္ဂလာဒုံအပြည်ပြည်ဆိုင်ရာလေယာဉ်ကွင်း”


သြော်…အမိမြေသို့နောက်တစ်ခေါက်ခြေချလာခဲ့လေပေပြီ။လေယာဉ်ဘီးမြေပေါ်ခြေချဆင်းသက်ပြီးနောက်လုံးဝစက်များရပ်တန့်သွားချိန်တွင်မတော့လေယာဉ်ပြတင်းပေါက်မှအပြာရောင်ဝတ်ထားသောအသားညိုညိုလေယာဉ်ဝန်ထမ်းများမြေပြင်တွင်ဆိုင်ရာတာဝန်များဆောင်ရွက်နေသည်ကိုတွေ့ ရှိရသည်။ခရီးသည်များအားတိုးဝှေ့ဆင်းသက်ပြီးလေယာဉ်ကွင်းဆိုက်ရောက်ခန်းမထဲသို့ဝင်ရောက်လာသည်နှင့်ခံစားချက်အတွေးနှစ်ခုစိတ်ထဲသို့ဝင်ရောက်လာသည်။တစ်ခုကမိမိမွေးရပ်မြေသို့ပြန်ရောက်လာပြီဖြစ်၍၀မ်းမြောက်ပီတိဖြစ်မိခြင်းနှင့်တစ်ပြိုင်နက်နောက်တစ်ခုစဉ်းစားမိသည်ကရက်အတန်ကြာနေထိုင်အပြီးဤနေရာမှပင်လျှင်မြန်မာပြန်မှပြန်လည်ထွက်ခွာလာရမည့်အရေးတွေး၍ရင်မောစိတ်မကောင်းဖြစ်ရခြင်းပင်ဖြစ်သည်။မြန်မာပြည်သို့ပြန်ရောက်တိုင်းထိုခံစားမှုအတွေးတို့ကစိတ်ထဲတွင်တည်ရှိမြဲဖြစ်သည်။ငယ်စဉ်ကလိုမြန်မာပြည်တွင်သာအမြဲနေထိုင်နေရလျှင်ဘယ်လောက်ကောင်းလိမ့်မလဲဟုလည်းတွေးမိတတ်သည်။လေယာဉ်ကွင်းစက်လှေကားကဆင်းလျှင်ပထမဆုံးပြုလုပ်မိသည့်အပြုအမူသည်ကားအိမ်မှဘယ်သူတွေများငါ့လာကြိုနေမလိမ့်လဲဟုအပြင်ဘက်လာကြိုသူများဆီသို့မျက်စိအလိုအလျှောက်ဝေ့၀ဲမိခြင်းပင်ဖြစ်သည်။အသက်အရွယ်သာကြီးပြင်းသွားသော်လည်းသည်အပြုအမူကတော့ရှိဆဲပင်။လာကြိုနေသည့်လူအုပ်များကြားတွင်အသက်အတန်ကြီးပြီဖြစ်သော်လည်းအမြဲရင့်ကျက်တည်ငြိမ်တတ်သောအမေ့အားအပြုံးဖြင့်ဆီးကြိုနေသည်ကိုတွေ့ ရသည်။အရင်လိုအဖေ့အားမမြင်တွေ့ ရတော့ပြီဖြစ်၍စိတ်ထဲတွင်တော့စိတ်မကောင်းလှ။လူဝင်မှုကြီးကြပ်ရေးဖြတ်၊ခရီးဆောင်အိတ်များရွေး၊အကောက်ခွန်ဖြတ်ပြီးအပြင်ထွက်လာသည်နှင့်ထုံးစံအတိုင်းခရီးသည်အိတ်ကိုစေတနာဘလပွနှင့်အလုအယက်ကူထမ်းပေးမည့်ဝန်ထမ်းများအားရင်ဆိုင်ရသည်။တကယ်တော့သယ်လာသည့်အိတ်များကဘာမှမလေးလှ၊ကိုယ့်ကိုကိုယ်သယ်လည်းရသော်လည်းသယ်ခွင့်ရရ၊မရရရခြင်္သေ့ခေါင်းပေးရသည်မို့သူတို့ကိုသာပေးသယ်လိုက်ရသည်။သြော်… ”ရောမရောက်တော့ရောမလိုကျင့်ရသည်”ဆိုသည်မှာသည်အဖြစ်ကားတယ်မှန်သည်ပဲလား။



လေဆိပ်မှမြို့တွင်းသို့

အတွင်းတွင်ပဲလား၊မဟုတ်သေးချေ။အပြင်တွင်လည်းခရီးသည်ခေါ်နေသောအဌားယာဉ်မောင်းသမားများအစီအရီကိုတွေ့ လိုက်ရသည်။အလျင်းသည့်ရာကားတစ်စီးပေါ်သို့တက်မိချိန်တွင်တော့ခြင်္သေ့အစိမ်းရောင်ခေါင်းလေး၊ငါးရွက်လောက်လေထဲမျှောသွားသည်။လေဆိပ်မှမြို့ထဲသို့တက္ကစီခပေးရခြင်းပင်။အယင်ကနှင့်သိပ်မတူတော့သည်ကလေဆိပ်တွင်ပုဂ္ဂလိကအဌားယာဉ်လိုင်းနှစ်လိုင်းလေဆိပ်မြို့တွင်းပြေးဆွဲနေခြင်းပင်။လမ်းတွင်တက္ကစီသမားနှင့်စကားစမြည်ပြောမိပြီးသူက”ကျွန်တော်တို့ကပါရမီကပါ”ဟုဆိုလာသည်။ပါရမီမှာနေထိုင်သောကားသမားဟုသဘောပေါက်မိလျှင်မှားပြီဟုသာယူဆလိုက်ပါ။ပါရမီကားလိုင်းကဟုဆိုလိုခြင်းဖြစ်သည်။သူကပဲဆက်ပြောသည်ကအခြားလိုင်းတစ်လိုင်းနှင့်ခရီးသည်အလှည့်ကျတင်ရကြောင်း၊သူ့ကာလိုင်းကဦးကျွမ်းဆိုလား၊ဦးကွိုင်ဆိုလားမြန်မာပြည်တိုက်ဂေါင်း(အင်္ဂလိပ်လိုသူဌေးကြီးဟုဆိုလိုခြင်းဖြစ်သည်)ရဲ့ဖောင်ဒေးရှင်းအောက်ကအခွဲကုမ္ပဏီအောက်ကဟုဆိုသည်။မြန်မာပြည်တွင်ယခုအခါသန်းကြွယ်သူဌေးများလည်းရှိလာလေပြီ။ဥပမာဆိုရလျှင်ဦးရွေှ့သွေး၊ဦးကွိုင်၊ဦးချော်ချော်စသည်တို့ပင်(အသက်ကြီးပြီဖြစ်၍နာမည်များသိပ်မမှတ်မိတော့)။လေရှည်နေသည်ကိုအတိုချုပ်ရလျှင်တော့လူမပန်းသော်လည်းစိတ်မပန်းတပန်းနှင့်ရန်ကုန်မြို့ ထဲသို့ပြန်ရောက်လာခဲ့သည်ဟုဆိုရပေမည်။



အပြောင်းအလဲမြင်ကွင်းများ

လမ်းတစ်လျှောက်တွင်အရင်ကထက်စာလျှင်ကြေငြာဆိုင်းဘုတ်များ၊ဆောက်လက်စနှင့်ဆောက်ပြီးစအဆောက်အအုံမြင့်များ၊ကုန်တိုက်အသစ်များတိုးလာသည်ကိုသတိပြုမိသည်။မော်တင်ဘက်ရောက်သော်မော်တင်ဂျွိင့်(ဂျမ်းရှင်း)စင်တာ၊ဘုန်းကြီးလမ်းထိပ်တွင်ချိုင်းနားတောင်းဂျွိင့်စင်တာ၊ပြည်လမ်းစိန်ဂေဟာမျက်နှာချင်းဆိုင်တွင်တော်ဝင်စင်တာအစရှိသည်ဖြင့်တစ်ဂွိုင့်တည်းဂွိုင့်၊စင်တာပြီးရင်းစင်တာအသစ်များကိုတွေ့ ရှိရသည်။

“ပြည်လမ်းစိန်ဂေဟာမျက်နှာချင်းဆိုင်တွင်တည်ရှိသောတော်ဝင်စင်တာ(၂၀၁၁၊ဖေဖော်ဝါရီလတွင်စတင်ဖွင့်လှစ်)“


“ယခင်မော်တင်ဈေးကိုဖျက်ဆောက်ထားသောမော်တင်လမ်းနှင့်အနော်ရထာလမ်းထောင့်ရှိမော်တင်စင်တာ“


“ကမ္ဘာအေးဘုရားလမ်းပေါ်ရှိဂမုန်းပွင့်စင်တာ“


“ဘုန်းကြီးလမ်းနှင့်မဟာဗန္ဓုလလမ်းထောင့်ရှိချိုင်းနားတောင်းပွိုင့်စင်တာ(ယခင်ဘုန်းကြီးလမ်းရဲစခန်း)“


စိတ်ထဲတွင်တွေးမိသည်ကားဤကုန်တိုက်များကားစင်ကာပူနိုင်ငံရှိပွိုင့်များ၊ဂွိုင့်များနှင့်ညီအစ်ကိုတော်လောက်သည်ဟူ၍။အကြောင်းရင်းကားစင်ကာပူနိုင်ငံတွင်လည်းအမြန်မြို့တွင်းရထားမှတ်တိုင်တစ်မှတ်တိုင်တိုင်းတွင်ပွိုင့်တစ်ပွိုင့်(သို့မဟုတ်)ဂွိုင့်တစ်ဂွိုင့်ရှိခြင်းပင်။ထူးဆန်းလွန်းလှချေတကား။ဘာပဲပြောပြောရန်ကုန်မြို့ကြီးကတော့အရင်ကထက်ဖွံ့ ဖြိုးတိုးတက်လာသည်မှာငြင်းမရပေ။သို့သော်တရုတ်တန်းရှိတစ်ချို့လမ်းများ(ဥပမာလမ်း၂၀အပေါ်လမ်း)ကားစတိုင်ထွင်ထားသည်လား(မိုးကြီးလျှင်ရေမတက်လာအောင်ကာကွယ်ထားသည်လားမသိ)လမ်းတစ်ဝက်ကိုပလက်ဖောင်းလိုမြှင့်တင်ထားသည်ကိုတွေ့ ရသည်။မြင့်လှသည့်အတွေးအခေါ်နှင့်နည်းပညာပင်။



လူနေမှုမတူမှုတွေကအဖုံဖုံ

ရန်ကုန်မြို့သည်ကားလူတန်းစားအလွှာစုံ၊အရောင်စုံရှိဆိုသည်မှာမမှားချေ။အရာရာတိုင်းသည်အချိန်ကြာမြင့်လာကပြောင်းလဲယိုယွင်းတတ်သည်ကိုသက်သေပြသည်လားမသိ။ယခင်ကအ၀တ်နွမ်းနွမ်းပါးပါးဝတ်ထားသောကာယလုပ်သားများကားယခုအခါအများစုမှာအ၀တ်မကပ်နိုင်တော့။ယခင်ကအဖာထေးအတန်သင့်ရှိသောအကျီ င်္များမှလည်းရာထူးတက်၍အပေါက်များတိုးလာလေပြီ။ဂျင်းဘောင်းဘီ၊အကျီ င်္နွမ်းနွမ်းကိုအပေါက်နှင့်ဝတ်တတ်သောနိုင်ငံခြားသားများကိုအတုခိုးဝတ်လေလားမသိ။အရောင်နွမ်းနွမ်း၊အပေါက်များပါသောအကျီ င်္ဝတ်သည့်သူများပိုများလာသည်။

”၀မ်းရေးအတွက်တစ်လမ်းဝင်တစ်လမ်းထွက်အနုပညာဖြင့်ဝမ်းစာရှာနေသူတစ်ဦး”

”လမ်းဘေးတွင်မုန့်လက်ဆောင်းရောင်းနေသူတစ်ဦး”

”လမ်းဘေးတွင်ရောင်းဝယ်ဖောက်ကားနေကြသောဈေးသည်များ”

တိုးတက်သည့်သူများလည်းတိုးတက်လာကြသည်။ယခင်ကလမ်းဘေးတွင်ကလေးအရုပ်ရောင်းသည့်သူမှာယခုအခါဆိုင်နှင့်ကနားနှင့်၊ရွှေရောင်းသူများကားမပြောနှင့်ယခင်ကဆိုင်သေးသေးနှင့်အကယ်ဒမီရုပ်ဆိုင်းဘုတ်တတ်ထားသောရွှေဆိုင်မှာယခုအခါတိုက်ကြီးဆိုင်ကြီးဆိုင်းဘုတ်ကြီးတွေနှင့်။မနက်မိုးသောက်သည်နှင့်ကာယအားသုံး၍၀မ်းစာရှာထွက်ရသူများအများအပြားရှိသလို၊ကုန်တိုက်စတိုးဆိုင်ဖွင့်သည်နှင့်ရှိုးစမတ်ကျကျနှင့်တစ်ဆိုင်ဝင်တစ်ဆိုင်ထွက်ဈေးပတ်ဝယ်နိုင်သူများလည်းဒုနဲ့ဒေးပင်။ယခင်ကပုလင်းသောင်းနှင့်သိန်းနှင့်ချီစကားပြောတတ်သောပုလင်းရောင်းသမားများကားယခုအခါအဆင့်မြင့်၍ပုန်း(ပုံး)များကိုထောင်နှင့်သောင်းနှင့်ချီပြောဆိုနေကြသောအဆင့်မြင့်ပုံးရောင်းသမားများဖြစ်ကုန်ကြလေပြီ။မုန့်ဟင်းခါး၊လက်ဖက်ရည်၊ကြေးအိုးတို့ပင်လျှင်အဆင့်တိုး၍ရိုးရိုး၊ရှယ်အပြင်ထူးရှယ်ပါရှိလာကြလေပြီ။
”၃၀၀ကျပ်တန်ကော်ဖီ”


”၁၅၀၀ကျပ်တန်ကော်ဖီ”


ကော်ဖီတစ်ခွက်ကိုလည်းဈေးအမျိုးမျိုးနှင့်ပေးသောက်နိုင်သည်။၃၀၀၊၄၀၀တန်ကော်ဖီကအစ၁၆၀၀တန်ကော်ဖီအထိအဆင့်ဆင့်ရှိလေသည်။တိုးတက်သွားသည်များကားအလှမ်းမမှီနိုင်တော့။လက်ကိုင်ဖုန်းကိုင်သူများပိုများပြားလာကြသည်။သို့သော်မြန်မာနိုင်ငံ၏ဟင်းဖုန်းကအဆင့်မြင့်သည်။အတန်းတန်းအစားစားရှိလေသည်။လက်လှမ်းမှီသလောက်ပြောရလျှင်၅သိန်းတန်ဖုန်း၊ကမ်းရိုးတန်းဖုန်း၊စီဒီအမ်အေဖုန်း၊ခြင်းဖုန်း၊လိုင်းဖုန်းစသည်များပင်။ဖုန်းအမျိုးအစားကလည်းအစုံပင်အသေးအကြီး၊အင်တီနာအတိုအရှည်၊ဘယ်အရပ်ရောက်လျှင်ဘယ်အရပ်နှင့်ဆိုင်သောဖုန်းသုံးရသည်။လူတစ်ယောက်ဖုန်းမျိုးစုံကိုင်ထားရမည့်အနေအထားတွင်ရှိသည်။



သွားရေးလာရေးအကြောင်းတစေ့တစောင်း

ဘတ်စကားများကားငယ်စဉ်ကရှိသောသစ်သားဘစ်စကား၊ဟီးနိုးများမတွေ့ ရသလောက်ပေ။ကိုရီးယား၊ဂျပန်၊တရုတ်တို့မှဝင်လာသောစက်ကင်းဟင်းဘတ်စ်ကြီးများကိုသာတွေ့ ရသည်။ဘတ်စကားစီးသူများထံမှငြီးငြူသံကြားရသည်။ခရီးသည်အားနှင့်ဘတ်စကားစင်းရေမလောက်ငဟူ၍။သို့သော်ကျွန်တော်တွေ့ ရသည်ကရိုးရိုးလိုင်းကား(ကျပ်50တန်)ပေါ်တွင်ခရီးသည်များကြပ်သိပ်နေပြီး၊အထူးကား(ကျပ်၂၀၀တန်)ကားများပေါ်တွင်ကားချောင်ချိနေခြင်းပင်။တတ်စွမ်းရှိသရွေ့ စဉ်းစားမိသည်ကအထူးကားများအစင်းရေလျှော့ချပြီး၊ရိုးရိုးလိုင်းကားများအစင်းရေတိုးဆွဲလျှင်ခရီးသည်နှင့်ဘတ်စကားအခက်အခဲအတော်အတင့်ဖြေရှင်းသွားနိုင်ဖွယ်ရာရှိသည်ဟူ၍။
”လမ်းပေါ်တွင်ဆိုက်ကားနင်းစားနေသောဆိုက်ကားဆရာတစ်ဦး”


ရန်ကုန်မြို့တွင်အခြားနိုင်ငံမြို့များနှင့်မတူနီးနီးနားနားသွားလျှင်သင့်လျော်သောသွားလာရေးယာဉ်မှာငယ်စဉ်ကအနှေးယာဉ်ဟုခေါ်သောဆိုက်ကားများပင်။ငယ်စဉ်ကတည်းကယနေ့အထိမတိမ်ကောသွားသောယာဉ်အမျိုးအစားကိုပြပါဆိုလျှင်ဆိုက်ကားကိုပင်ပြရပေမည်။ဆိုက်ကားဆရာများအနေဖြင့်ကိုယ်ကာယစိုက်ထုတ်၍ခရီးသည်များကိုလိုရာနေရာလိုက်ပို့ပေးရ၍ပင်ပန်းသော်လည်းခရီးသည်များအနေဖြင့်ခရီးတိုတိုထွာထွာကိုတက္ကစီလောက်ဈေးမကြီးပဲကိုယ်ပိုင်အလွယ်တကူဌားသုံးနိုင်သောသွားလာရေးယာဉ်တစ်ခုပင်ဖြစ်သည်။သို့ရာတွင်ဆိုက်ကားနင်းသောကာယလုပ်သားများအနေဖြင့်မိမိခရီးသည်၏အသက်ကိုယ့်လက်ထဲမှာရှိသည်ဟုမှတ်ယူ၍ယာဉ်စည်းကမ်းလိုက်နာနင်းကြရရန်လည်းလိုအပ်လှပေသည်။ကျွန်တော်ကိုယ်တိုင်အပြင်သွားလျှင်အများအားဖြင့်လမ်းလျှောက်(သို့မဟုတ်)ဘတ်စကားစီးသွားသည်သာများသော်လည်းတစ်ခါတစ်ရံညဖက်ခြေကုန်လက်ပန်းကျ၍လမ်းမလျှောက်နိုင်သောအခါအားထားရသည်ကတော့အနှေးယာဉ်များပင်။ရန်ကုန်ရှိကားများသုံးသောလောင်စာမှာလည်းအမျိုးမျိုးပင်။ဓာတ်ဆီ၊ဒီဇယ်ဆီ၊မီသိန်း၊ဂက်စ်အစရှိသည်ဖြင့်။ဓာတ်ဆီတန်းစီရသည့်ဒုက္ခကလည်းမသေးချေ။ကိုင်းတန်းရှိဓာတ်ဆီဆိုင်တစ်ဆိုင်တွင်ဓာတ်ဆီဖြည့်ရန်စောင့်နေသည့်ကားတန်းမှာဘုန်းကြီးလမ်းအောက်လမ်း၊ကမ်းနားလမ်းရောက်သည့်အထိပင်တန်းစီရသည်။မလွယ်ကြောပင်။


”တရုပ်တန်းတွင်နှစ်ကူးနီးလာသောရက်များရောင်းဝယ်ဖောက်ကားသူများနှင့်ပြည့်နှက်သည်နေကိုတွေ့ ရစဉ်”


တရုတ်တန်းနှစ်ကူးသည်ကားယခင်အတိုင်းပင်။ဈေးသွားဈေးလာများနှင့်ကြက်ပျံမကစည်ကားလှသည်။ဒုက္ခရောက်ကြသည်ကခရီးသည်များနှင့်ဘတ်စကားဒရိုင်ဘာများပင်လမ်းမတော်လမ်းမှနေ၍လသာလမ်းအထိတရုတ်နှစ်ကူးနီးရက်တစ်ပတ်အလိုမှစ၍ကားလိုင်းပိတ်၍ကမ်းနားလက်လှည့်မောင်းရသည်။ကိုယ်ပိုင်ကား၊ဘတ်စကား၊ကုန်တင်ကား၊ဆိုက်ကာများနှင့်ကမ်းနားလမ်းတောက်လျှောက်ကြပ်သိပ်နေသည်။မောင်းကြသည့်ကားများမှာလည်းစည်းကမ်းတကျမရှိဗရမ်းဗတာမောင်းကြ၍ယာဉ်တိုက်မှုဖြစ်ပွားရန်အခွင့်အလမ်းမှာစက္ကန့်တိုင်းမှာရှိနေသည်။ဈေးစည်းကမ်း၊လူစည်းကမ်း၊ကားစည်းကမ်းများစနစ်တကျလိုက်နာကြဖို့လိုအပ်သည်ဟုထင်မိသည်။သို့မှာသာအန္တရာယ်ကင်ကင်းစိတ်ရှင်းရှင်းဖြင့်ရောင်းဝယ်ဖောက်ကားခရီးသွားလာနိုင်ကြမည်ဖြစ်သည်။



ငယ်စဉ်ဘ၀ကွာခြားလှ

လူများကားခေတ်စနစ်၏ပြောင်းလဲမှုကြောင့်လား၊စားဝတ်နေရေးကြောင်းလားမသိ၊တစ်ကိုယ်ကောင်းပိုဆန်လာကြသည်၊စာနာစိတ်များနည်းပါးသွားကြသည်၊ကိုယ်ပြီးလျှင်ပြီးရောစိတ်များ၊ဖြစ်သလိုနေတတ်သည့်စိတ်များ၊အလိုမကျဒေါသစိတ်များပိုမိုများပြားလာသည်ဟုထင်သည်။အပျော်အပြုံးများလည်းလျော့နည်းပျောက်ကွယ်ကုန်ကြလေပြီ။ငယ်စဉ်ကပတ်ဝန်းကျင်နှင့်မတူခြားနားနေကြသည်။ငယ်စဉ်ကတက်ဖူးရာဒဂုံကျောင်းဝန်းကျင်သို့လည်းရောက်ဖြစ်သည်။ယခင်ကတိုက်ပုလေးများ၊ပျဉ်ထောင်အိမ်များ၊တဲစုတ်များမရှိကြတော့။ထိုနေရာများတွင်ကားအဆင့်မြင့်တိုက်မြင့်အိမ်ရာတိုက်တန်းများ၊အင်တာနက်ကဖီး၊ကော်ဖီဆိုင်၊စားသောက်ဆိုင်၊စတိုးဆိုင်များကအစားထိုးနေရာယူလျက်ရှိသည်။ယခင်ကျောင်းတက်ကျောင်းဆင်းချိန်ရောင်းတတ်သောလမ်ဘေးဈေးသည်များ၊ဈေးဆိုင်များ၏အသွင်သရုပ်သည်လည်းမတူညီကြတော့။ယခင်ကတိုရှည်၊ပူရီ၊စမူဆာ၊ဗယာကြော်များရောင်းသော်လည်းယခုအခါဟမ်ဘာကာ၊ဆင့်(ထ်)၀က်(ခ်ျ)၊ဆူရှီ၊ဟော့ဒေါ့များကအစားထိုးရောင်းချလျက်ရှိသည်။
”ဒဂုံကျောင်းအနီးရှိလမ်းသွယ်ထဲတွင်ကျောင်းဆင်းကျောင်းတက်ချိန်ကားများဖြင့်ပြည့်ကျပ်နေသည်ကိုတွေ့ ရစဉ်။”


မပြောင်းလဲသည်ကတော့အ၀တ်အစားတောက်တောက်ပြောင်ပြောင်၊ရွှေရောင်ငွေရောင်တလက်လက်နှင့်ကျောင်းသားမိဘများကျောင်းလမ်းထဲကျောင်းတက်ကျောင်းဆင်းချိန်တွင်ပြည့်ကြပ်နေတတ်သောကားကြီးကားငယ်အသွယ်သွယ်များပင်။



တရုတ်ဘုရားကျောင်း

တရုတ်နှစ်ကူးနှစ်ဆန်းတစ်ရက်နေ့တွင်ရန်ကုန်ရှိတရုတ်ဘုရားကျောင်းမျာသို့သွားရောက်လည်ပတ်ဖြစ်သည်။ကမ်းနားလက်ရှည်ဘုံကျောင်း၊ကုက္ကိုင်း၊ကော့လော့စီ၊ကွမ်းရင်းစီအစရှိသည်ဖြင့်။ကမ်းနားဘုံကျောင်းနှင့်ကုက္ကိုင်းဘုရားကျောင်းများမှာပြန်လည်မွန်းမံပြုပြင်ထားသဖြင့်သစ်သစ်လွင်လွင်နှင့်အမြင်ခံစားမှုမဆိုးလှချေ။ကော့လော့စီကတော့အယင်အတိုင်းဘာမှသိပ်အပြောင်းအလဲမရှိချေ။

“လမ်းမတော်ကမ်းနားလမ်းပေါ်ရှိခိန့်ဟုတ်(ဖူကျင့်)ဘုရားကျောင်း“


“ကုက္ကိုင်းကမ္ဘာအေးဘုရားလမ်းပေါ်ရှိဖုစန်းဘုရားကျောင်း“


”ကမ္ဘာအေးဘုရားလမ်းပေါ်ရှိကေလော့စီတရုတ်ဘုရားကျောင်း”


”ရွှေတိဂုံဘုရားအနီးရှိကွမ်းရင်းစမ်းတရုတ်ဘုရားကျောင်း”


သိပ်ဘ၀င်မကျမိသည်ကအချို့ သောဘုရားကျောင်းများ၏အုပ်ချုပ်မှုစနစ်ပင်၊ဘုရားကျောင်းဆိုသည်မှာ

(၁)ဘုန်းတော်ကြီးများတရားအားထုတ်မွေ့ လျော်သည့်နေရာ
(၂)ဒါယကာဒါယကာမများ၏သာရေးနာရေးပံ့ပိုးကူညီသည့်နေရာ
(၃)့ဘုရားဖူးဧည့်သည်များစိတ်ချမ်းမြေ့စွာဘုရားဖူးလည်ပတ်သည့်နေရာများသာဖြစ်သင့်သည်။ဘုရားကျောင်း၏ဘဏ္ဏာကိုလိုသည်ထက်ပိုသောမွမ်းမံခြင်းများ၊ဘုရားကျောင်းပရိဝုတ်အတွင်းဘုရားကျောင်းရံပုံငွေအတွက်အလှူကောက်ခံခြင်းများမှအပအခြားစီးပွားရေးဆန်ဆန်လုပ်ငန်းများမဆောင်ရွက်သင့်ဟုထင်မြင်မိသည်။



ဘုရားရိပ်၊တရားရိပ်သည်သာအအေးမြဆုံး

အရာရာပြောင်းလဲနေသောရန်ကုန်မြို့ပြကြီးတွင်အမြဲမပြောင်းမလဲနေသည်ကတော့ဘုရားရိပ်တရားရိပ်ပင်။အပြင်လောကတွင်အဘယ်မျှပူပင်ရှုတ်ထွေးနေစေကာမူ၊ရန်ကုန်ရှိတန်ခိုးကြီးဘုရားပုထိုးရိပ်သို့ရောက်သွားသည်နှင့်စိတ်အေးချမ်းကြည်လင်ချမ်းမြေ့သွားသည်ပင်။အဓိကအားဖြင့်လေးဆူဓာတ်ပုံရွှေတိဂုံဟုခေါ်ဆိုအပ်သောရွှေတိဂုံဘုရားရိပ်တရားရိပ်သို့ရောက်သွားသည်နှင့်စိတ်သန္တန်အေးချမ်းသွားမြဲဖြစ်သည်။

”ရွှေတိဂုံဘုရားကြီးအားညချမ်းအချိန်တွင်ကြည်ညိုသပ္ပာယ်စွာဖူးတွေ့ ရစဉ်။”


”ရွှေတိဂုံဘုရားကြီးအားစောင်းတန်းများနှင့်အတူဖူးတွေ့ ရစဉ်။”


အချုပ်ဆိုရလျှင်ကျွန်တော့်အဖို့အမိမြေရောက်တိုင်းကိုယ်ကိစ္စဆောင်ရွက်စရာရှိတာဆောင်ရွက်ပြီးအားလပ်ချိန်များတွင်စိတ်ပါလက်ပါလုပ်တတ်သည့်အကျင့်တစ်ခုကတော့ယခင်ကသွားလေ့သွားထရှိသောနေရာများကိုသွားပတ်တတ်ပြီးယခင်နှင့်ယခုမတူညီမှုများကိုနှိုင်းယှဉ်ခံစားကြည့်တတ်ခြင်းပင်။အခြားသူများတော့ဘယ်လိုခံစားမည်မသိ၊ကျွန်တော့်အဖို့တော့အမိမြေပြန်ရောက်တိုင်းတိုးတက်လာသည်များကိုကြည့်၍ကိုယ့်ပြည်အတွက်ဝမ်းမြောက်မိသလိုဆင်းရဲချို့ တဲ့သောသူတို့၏ဘ၀ကိုမြင်တွေ့ ရပါကလည်းစိတ်ထဲတွင်စိတ်မကောင်းဖြစ်မိပြီးကိုယ်တတ်အားသရွေ့ ထိုသူများကိုကူညီချင်သောအာသီတဖြစ်မိသည်။မိမိနည်းတူမြန်မာနိုင်ငံတွင်းမှသော်လည်းကောင်း၊ပြည်ပမှသော်လည်းကောင်းစားနိုင်သောက်နိုင်သူများအနေဖြင့်လည်းအခွင့်အခါသင့်ပါကကိုယ့်မွေးရပ်မြေအတွင်းရှိဆင်းရဲနွမ်းပါးချို့ တဲ့သူများကိုတတ်အားသရွေ့ ကူညီစေချင်သောဆန္ဒဖြစ်မိသည်မှာအမှန်ဖြစ်သည်။အထက်တွင်ဖော်ပြထားသောအကြောင်းအရာများကားကျွန်တော်အမိမြေပြန်ရောက်သည့်အခါတိုင်းတွေ့ ရမြင်ရခံစားရသမျှကိုအရိုးရှင်းဆုံးခံစားဖော်ပြထားခြင်းဖြစ်သည်။မည်သူ့ ကိုမှထိခိုက်နစ်နာစေရန်မရည်ရွယ်ခြင်းမဟုတ်ပဲကိုယ့်ရပ်ကိုယ့်မြေကိုတိုးတက်ဖွံ့ ဖြိုးစေချင်သောစေတနာဖြင့်သာရေးသားခြင်းဖြစ်ပေသည်။  ။